ઉમરાઓ જાન માટે સ્મિતા પાટીલ પહેલી પસંદ હતી

૨૭ જુને આ ફિલ્મ ફરી રિલીઝ કરવામાં આવી

ઉમરાઓ જાનના ડિરેક્ટર મુઝફ્ફર અલીએ ફિલ્મ ફરી રિલીઝ થઈ ત્યારે રેખાના કાસ્ટિંગ વિશે વાત કરી

મુંબઈ,રેખાની અતિ લોકપ્રિય ફિલ્મ ‘ઉમરાવ જાન’ રિલીઝ થઈ એને આજે ૪૪ વર્ષ થઈ ગયા છે, છતાં એ ફિલ્મની લોકપ્રિયતા અકબંધ છે. મુઝફ્ફર અલીએ આ ફિલ્મ ડિરેક્ટ કરી હતી, તેમણે ૨૭ જુને આ ફિલ્મ ફરી રિલીઝ કરી છે. ત્યારે તેમણે મુઝફ્ફર અલીએ આ ફિલ્મ માટે રેખાની પસંદગી, ફિલ્મના સંગીત અને ફિલ્મના શૂટિંગ અંગે એક ઇન્ટર્વ્યુમાં વાત કરી છે. રેખાની પસંદગી અંગે મુઝફ્ફર અલીએ જણાવ્યું, “શરૂઆતમાં, મેં સ્મિતા પાટીલનો વિચાર કર્યાે હતો. એણે મારી સાથે ગમનમાં કામ કર્યું હતું અને તેણે આ ફિલ્મમાં પણ ઘણું સારું કામ કર્યું હોત.

પરંતુ પછી અમે વિચાર્યું કે અમારે કોઈ વધુ આકર્ષક વ્યક્તિની જરૂર છે. અંતે, રેખાની નજર અને અદા કામ કરી ગયાં. જ્યારે મેં પાત્ર વાંચ્યું અને તેને જીવ્યો અને સલમા સિદ્દીકીના અવાજમાં રેકોર્ડ થયેલી ફિલ્મ વારંવાર સાંભળી, એમાં રેખા જ દેખાઈ. એની આંખોમાં એ તાકાત હતી, જે એક સાથે ચડાવ અને ઉતારની વાર્તા કહી શકે. રેખાએ જે કર્યું એ મને નથી લાગતું બીજો કોઈ કરી શક્યા હોત.”મુઝફ્ફર અલીએ એવું પણ કહ્યું કે તમારામાં લોકોને થિએટર સુધી ખેંચી લાવવાની ક્ષમતા હોવી જોઈએ. “તેની પોતાની સુંદરતા ફિલ્મ ટકી શકવી જોઈએ.

આપણે ત્યાં એક ખોટી માન્યતા છે કે પહેલાં કે બીજા અઠવાડિયામાં આપણે ઘણા પૈસા કમાઈ લીધાં છે, પરંતુ શું એ ફિલ્મ આવનારા ૪૪ વર્ષ સુધી જીવંત રહેશે? તમારામાં એ કરવાનો જુસ્સો હોવો જોઈએ. કદાચ તમારે પૈસા કમાવા માટે મોટા નામને કાસ્ટ કરવા પડશે, પણ એનાથી કદાચ જ કોઈ ફરક પડે છે.”સામાજિક નિસબત સાથેને અને ઊંડા પાત્રો, જે ઘણી વખત જોખમી ગણાય છે એવા વિષયો સાથે ફિલ્મ બનાવવા માટે જાણીતા મુઝફ્ફર અલી કહે છે, “હું મારું મન કહે એમ કરું છું. હું એક ચિત્રકાર છું જે દુનિયાને અલગ રંગથી જુએ છે, જેને કવિતામાંથી પ્રેરણા મળે છે અને જે સંગીતથી ભરપુર છે, તેનાથી જેને નૃત્ય કરવાની પ્રેરણા મળે છે. આ મારી પોતાની દૃષ્ટિ હતી એટલે મને આમાં કોઈ જોખમ ન લાગ્યું. મને લાગતું કે આ વિષયોની ફિલ્મ બનાવવી સૌથી સુરક્ષિત છે. કાસ્ટિંગ મહત્વનું હતું, મને લાગે છે, રેખાની હાજરીથી એમાં ઘણો ફરક પડ્યો. પરંતુ મને લાગે છે કે, તેનાથી પણ વધુ લોકો એના પાત્ર સાથે પોતાની જાતને જોડી શક્યા. તેનું આ પરિણામ છે.”ss1