ત્રિશા કૃષ્ણને દક્ષિણના મંદિરમાં યાંત્રિક હાથીનું દાન કર્યું

મંદિરમાં આવતા ભક્તો માટે ભોજનની પણ વ્યવસ્થા કરાઈ હતી

ત્રિશા કૃષ્ણને કહ્યું, આ સુંદર ક્ષણનો ભાગ બનવા માટે હું ખૂબ જ રોમાંચિત છું. ભક્તિ જ્યારે કરુણામાં મૂળ હોય છે ત્યારે તે સૌથી વધુ ચમકે છે

મુંબઈ,દક્ષિણની અભિનેત્રી ત્રિશા કૃષ્ણને તમિલનાડુના મંદિરોમાં યાંત્રિક હાથીનું દાન કર્યું છે. આ હાથીનું નામ ગજ છે. ત્રિશાએ મંદિરમાં આવતા ભક્તો માટે શાકાહારી ભોજનની પણ વ્યવસ્થા કરી હતી.દક્ષિણની પ્રખ્યાત અભિનેત્રી ત્રિશા કૃષ્ણને તમિલનાડુના અષ્ટલિંગ અતિશેષા સેલ્વા વિનયાગર અને અષ્ટભુજા અતિશેષા વારાહી અમ્માન મંદિરોમાં જીવંત યાંત્રિક હાથીનું દાન કર્યું છે. શુક્રવારે, મંદિરોએ ગજ નામના હાથીનું અનાવરણ કર્યું અને ત્રિશાએ હાજર તમામ ભક્તો માટે શાકાહારી ભોજનની વ્યવસ્થા પણ કરી. પીપલ ફોર કેટલ ઇન ઇન્ડિયા દ્વારા બહાર પાડવામાં આવેલા એક નિવેદનમાં, ત્રિશાએ મંદિરોમાં ગજનું દાન કરવાનું કારણ સમજાવ્યું.

ત્રિશા કૃષ્ણને કહ્યું, “આ સુંદર ક્ષણનો ભાગ બનવા માટે હું ખૂબ જ રોમાંચિત છું. ભક્તિ જ્યારે કરુણામાં મૂળ હોય છે ત્યારે તે સૌથી વધુ ચમકે છે. આપણી મંદિર પરંપરાઓમાં યાંત્રિક હાથીનું સ્વાગત કરવું એ દયા, નવીનતા અને સંસ્કૃતિનો ઉત્સવ છે.તેણીએ એમ પણ કહ્યું, ‘અમે અમારા વારસાનું સન્માન એવી રીતે કરી રહ્યા છીએ જે કોઈ નુકસાન ન કરે, પરંતુ ફક્ત સદ્ભાવના કરે. આ પગલું પ્રગતિનું ગૌરવપૂર્ણ પ્રતીક છે, જ્યાં શ્રદ્ધા અને સહાનુભૂતિ એકસાથે ચાલે છે. મને આશા છે કે તે ઘણા લોકોને એવા ભવિષ્યને સ્વીકારવા માટે પ્રેરણા આપશે જ્યાં પ્રેમ ઓમારા રિવાજોનું નેતૃત્વ કરે અને પરંપરાના નામે કોઈને દુઃખ ન ભોગવવું પડે.ત્રિશા કૃષ્ણને આ વર્ષે ‘વિદામુઆર્ચી’, ‘ગુડ બેડ અગ્લી’ અને ‘ઠગ લાઈફ’માં કામ કર્યું છે. તે ટૂંક સમયમાં ‘વિશ્વંભરા’ અને ‘કરુપ્પુ’માં પણ જોવા મળશે.ss1