માતૃત્વનો આનંદ માણતી દયાભાભીનો નવો લુક ચર્ચામાં

મુંબઈ, દિશા વાકાણી આ દિવસોમાં તેના માતૃત્વનો ખૂબ આનંદ માણી રહી છે. તાજેતરમાં, તેની એક નવીનતમ તસવીર વાયરલ થઈ રહી છે, જેને જોઈને ચાહકો માટે તેને ઓળખવી ખૂબ મુશ્કેલ થઈ ગઈ છે.

ટેલિવિઝન ઉદ્યોગમાં પોતાના દમદાર અભિનય અને અનોખા અંદાજથી કરોડો લોકોના દિલમાં સ્થાન બનાવનારી અભિનેત્રી દિશા વાકાણી એટલે કે ‘તારક મહેતા કા ઉલ્ટા ચશ્મા’ શોની ગરબા ક્વીન દયા ભાભી, ફરીથી સમાચારમાં છે. પરંતુ આ વખતે તે કોઈ શો પ્રોજેક્ટ માટે નહીં પરંતુ તેના બદલાયેલા લુક માટે છે.આ તસવીરમાં દિશાનો લુક પહેલા કરતા ઘણો બદલાઈ ગયો છે.

બે બાળકોની માતા બન્યા પછી, દિશા હવે એક સંપૂર્ણ પારિવારિક મહિલા બની ગઈ છે. લોકો તેનો આ લુક જોઈ તેની તારીફ કરી રહ્યા છે.ઘણા વર્ષાે સુધી ટીવી સ્ક્રીનથી દૂર રહ્યા પછી, દિશાની તાજેતરની તસવીર જોઈને તેના ચાહકો ચોંકી ગયા છે.

તાજેતરની તસવીરમાં, દિશા વાકાણી ખૂબ જ સરળ સાડીમાં જોવા મળી રહી છે. તેના ચહેરા પર ઓછામાં ઓછો મેકઅપ અને માતા બનવાની ઝલક તેના ચહેરા પર સ્પષ્ટ દેખાઈ રહી હતી.

દિશા વાકાણીએ વર્ષ ૨૦૧૫ માં ચાર્ટર્ડ એકાઉન્ટન્ટ મયુર પંડ્યા સાથે લગ્ન કર્યા. તેની પહેલી ગર્ભાવસ્થાને કારણે, તેણે તેની અભિનય કારકિર્દીમાંથી વિરામ લીધો. ૨૦૧૭ માં, તેણે તેની પહેલી પુત્રીને જન્મ આપ્યો અને ૨૦૨૨ માં ફરીથી માતા બની. સોશિયલ મીડિયા પર વાયરલ થઈ રહેલી તેની નવીનતમ તસવીર પર, ચાહકો તેને ફરીથી ટીવી પર જોવા માટે બેચેન છે.SS1MS