આઈપીએલમાં ઉપયોગમાં લેવાયેલા ફિલ સોલ્ટના બેટને ક્લીનચીટ

લંડન, ઇંગ્લેન્ડના વ્હાઇટ બોલ ક્રિકેટ ઓપનર ફિલ સોલ્ટના બેટને ગેજ ટેસ્ટમાં નિષ્ફળ ગયા પછી પણ મંજૂરી આપવામાં આવી છે. વાઇટાલિટી બ્લાસ્ટની એક મેચ દરમિયાન તેનું બેટ મેદાન પર ઓન-ફીલ્ડ ગેજ ટેસ્ટમાં નિષ્ફળ થયું હતું.

આ પછી અધિકારીઓએ તેની તપાસ કરીને તેને તે જ બેટથી રમવાની મંજૂરી આપી હતી. આ તે જ બેટ છે જેનો તે છેલ્લા બે વર્ષથી ઉપયોગ કરી રહ્યો છે. ૨૮ વર્ષીય સોલ્ટ હાલમાં લેન્કેશાયર માટે રમે છે. તેણે વર્ષની શરૂઆતમાં રોયલ ચેલેન્જર બેંગલુરુની પહેલી આઈપીએલ ટાઇટલ જીતમાં મુખ્ય ભૂમિકા ભજવી હતી.ટુર્નામેન્ટની ૧૩ મેચમાં તેણે ૪૦૩ રન બનાવ્યા હતા.

લેન્કેશાયર ક્લબે એક નિવેદનમાં જણાવ્યું હતું કે, બેટ-ગેજ ટેસ્ટમાં સોલ્ટનું બેટ નિષ્ફળ ગયા બાદ તેણે ઈસીબીના નિર્દેશો ૩.૨ અને ૩.૩નું ઉલ્લંઘન કર્યું હોવાનો આરોપ હતો.

આ બેટનો ઉપયોગ તે છેલ્લા બે વર્ષથી ઈંગ્લેન્ડ, લેન્કેશાયર અને આઈપીએલમાં કોઈ સમસ્યા વિના કરી રહ્યો છે.ટેસ્ટ પાસ કરવા માટે બેટ ચોક્કસ કદના ગેજમાંથી ફિટ થવું આવશ્યક છે.

જો કે, સોલ્ટનું બેટ મેદાન પર ગેજમાંથી પસાર થયું ન હતું અને તેથી તે પરીક્ષણમાં નિષ્ફળ ગયું હોવાનું માનવામાં આવ્યું હતું. બાદમાં ક્રિકેટ રેગ્યુલેટર દ્વારા હાથ ધરવામાં આવેલી પુરાવા પરીક્ષણ પ્રક્રિયા બાદ બેટ નિયમોનું પાલન કરતું હોવાનું જાણવા મળ્યું હતું. ત્યારબાદ ક્લબ અને ખેલાડીને જાણ કરવામાં આવી છે કે આગળ કોઈ કાર્યવાહી કરવામાં આવશે નહીં.SS1MS