સલમાન ખાનની ‘બેટલ ઓફ ગલવાન’ ઇદ પર રિલીઝ નહીં થાય

મુંબઈ, સલમાન ખાનની ફિલ્મ એટલે ઇદ પર જ રિલીઝ થાય છે, એવું મનાય છે. પરંતુ આ વખતે સલમાનનો આ નિયમ તુટે એવી શક્યતા છે. ૨૦૨૫માં તેની ‘સિકંદર’ આવી હતી. પછી હવે તેની ‘બેટલ ઓફ ગલવાન’ આવી રહી છે. તેનો ફર્સ્ટ લૂક જાહેર થઈ ગયો છે અને વખણાયો પણ છે.

ફિલ્મનું શૂટ શરૂ થઈ ગયું છે તો સલમાનની આ ફિલ્મ વિશે ઇન્ડસ્ટ્રીના ટ્રેડ એક્સર્ટ અને ફૅન્સ પણ પુછી રહ્યા છે કે ફિલ્મ ક્યારે રિલીઝ થશે. સામાન્ય રીતે તો સમાનની ફિલ્મ ઇદ પર રિલીઝ થતી હોય છે.

પરંતુ સલમાન ખાનની આ ફિલ્મ ઇદ પર રિલીઝ થાય તેવી શક્યતા ઓછી છે. સૂત્રો દ્વારા મળતી માહિતી અનુસાર, “ફિલ્મની ટીમની ગણતરી આ ફિલ્મ ઇદ પર રિલીઝ કરવાની નથી.

કારણ કે ઇદ પર ૧૯ માર્ચ દરમિયાન ત્રણ ફિલ્મની રિલીઝ તો નક્કી જ છે, યશની ‘ટોક્સિક’, કોમેડી ફિલ્મ ‘ધમાલ ૪’ અને સંજય લીલા ભણસાલીની ફિલ્મ ‘લવ એન્ડ વાર’. વિકી કૌશલ, આલિયા ભટ્ટ અને રણબીર કપૂરની ‘લવ એન્ડ વાર’ કદાચ રિલીઝ નહીં થાય, તો તેને આ યાદીમાંથી બહાર મુકી દઇએ તો પણ આ દિવસે બે ફિલ્મ રિલીઝ થઈ રહી છે.

આ પ્રકારની બાબતોમાં સલમાનનો મત યોગ્ય છે, તેથી આ તબક્કે તે ‘બેટલ ઓફ ગલવાન’ ઇદ પર રિલીઝ કરવા માગતો નથી.”સૂત્રે આગળ જણાવ્યું, “હાલ તો ટીમ બે મહિનાના વિકલ્પો ફિલ્મ રિલીઝ માટે વિચારી રહ્યા છે.

એક જાન્યુઆરી અને બીજો છે જૂન. આ બે મહિનાઓની વચ્ચે અન્ય ઘણી ફિલ્મ રિલીઝ થઈ રહી છે, બીજું કે રમઝાન મહિનો ફેબ્›આરીના ત્રીજા અઠવાડિયાથી શરૂ થઈ રહ્યો છે. તેથી આ બે મહિનાઓ હાલ ધ્યાનમાં લેવાઇ રહ્યા છે. બહુ જલ્દી મેકર્સ નિર્ણય લઈ લેશે, કે તેઓ કયા મહિનામાં ફિલ્મ રિલીઝ કરશે.”

અન્ય એક સૂત્રે જણાવ્યું કે, “મેકર્સનું આયોજન આગામી ૫૫-૬૦ દિવસોમાં ફિલ્મનું શૂટિંગ પૂરું કરવાનું છે. તેથી એવી શક્યતા છે કે તેઓ જાન્યુઆરીમાં ફિલ્મ રિલીઝ કરી શકે છે, કારણ કે તેમની પાસે હજુ છ મહિનાનો સમય છે. પોસ્ટ પ્રોડક્શનના વાર લાગે તો પછી તેઓ જુન મહિનામાં ફિલ્મ રિલીઝ કરશે.”SS1MS