ઓસ્ટ્રેલિયામાં ભારતીય વિદ્યાર્થી પર રંગભેદને લીધે હુમલો થયો

એડિલેડ, ઓસ્ટ્રેલિયાના એડિલેડમાં ૧૯ જુલાઈની રાત્રે એક ૨૩ વર્ષીય ભારતીય વિદ્યાર્થી ચરણપ્રીત સિંહ પર રંગભેદના આધારે પાંચ લોકો દ્વારા હુમલો કરાયો હતો.

આ ગ્રુપના લોકોએ ચરણપ્રીત પર ભારતીય હોવાના કારણે અપશબ્દો બોલ્યા અને ક્રૂર રીતે મારપીટ કરી હતી, જેના કારણે તેને માથા પર ગંભીર ઈજા પહોંચી છે, અને ચહેરાના હાકડા તૂટી ગયા છે. આ ઘટનાએ ઓસ્ટ્રેલિયામાં આંતરાષ્ટ્રીય વિદ્યાર્થીઓની સુરક્ષાને લઈને ગંભીર ચિંતાઓ પેદા થઈ છે અને ભારતીય સમુદાયમાં રોષ ફેલાયો છે.

આ પહેલા આયરલેન્ડમાં પણ એક ભારતીય નાગરિકની ગંભીર રીતે મારપીટ કરાતાં તેને હોસ્પિટલમાં દાખલ કરાયો હતો. મીડિયા અહેવાલ મુજબ, ઓસ્ટ્રેલિયામાં ભારતીય વિદ્યાર્થીની સાથે મારપીટની ઘટના શનિવારની રાત્રે લગભગ ૯-૨૨ કલાકે એડિલેડના કિન્ટોર એવેન્યુની પાસે બની હતી.

ચરણપ્રીત સિંહ પોતાની પત્નીની સાથે શહેરના લોકપ્રિય ઇલ્યુમિનેટ લાઇટ ઈન્સ્ટોલેશન જોવા માટે પોતાની કાર પાર્ક કરીને બહાર નીકળ્યો હતો. પાંચ લોકો તેની કાર પાસે આવ્યા અને તકરાર બાદ મારપીટ કરી હતી.SS1MS