સારા, વામિકા, રકુલપ્રીત અને આયુષ્યમાન ખુરાના મુદસ્સર અઝીઝની ફિલ્મમાં કામ કરશે

મુંબઈ, જૂન મહિનાની શરૂઆતથી કેટલાક અહેવાલો આવી રહ્યા છે, જેમાં આયુષ્યમાન ખુરાના મુદસ્સર અઝીઝ સાથે એક કોમેડી ફિલ્મમાં કામ કરવાનો હોવાની વાત હતી. ત્યાર પછી એવા પણ અહેવાલ હતા કે આ ફિલ્મમાં હવે સારા અલી ખાન અને વામિકા ગબ્બી પણ જોડાયાં છે. આ ફિલ્મનું નામ ‘પતિ પત્ની ઔર વો દો’ આપવામાં આવ્યું છે.

ત્યારે હવે એવા અહેવાલો છે કે આ ફિલ્મમાં રકુલ પ્રીતસિંહ પણ એક મહત્વનો રોલ કરવાની છે. આ ફિલ્મ સાથે સંકળાયેલા એક સુત્રના જણાવ્યા અનુસાર, “પતિ પત્ની ઔર વોમાં બે હિરોઇન હતી, તેનાથી અલગ આ ફિલ્મમાં ત્રણ હિરોઇન હશે.

ભુષણ કુમાર અને જુનો ચોપરા પ્રોડક્શનની આ ફિલ્મમાં આયુષ્યમાન ખુરાના અને સારા અલી ખાન લીડ રોલમાં હશે, તેમજ વામિકા અને રકુલપ્રીત પણ મહત્વના રોલમાં હશે. આ ફિલ્મના પ્લોટ વિશે હજુ કોઈ માહિતી જાહેર કરવામાં આવી નથી.”સુત્રએ આગળ જણાવ્યુ કે આ કોમેડી ફિલ્મ માટે સપ્ટેમ્બર ૨૦૨૫માં શૂટિંગ શરૂ થશે અને એક જ શીડ્યુલમાં ફિલ્મ પુરી કરવામાં આવશે.

સુત્રએ જણાવ્યું, “પતિ પત્ની ઔર વો દો સપ્ટેમ્બરમાં શરૂ થશે અને મેકર્સ ઇચ્છે છે કે૨૦૨૬ના સેકન્ડ હાફમાં ફિલ્મ થિએટરમાં રિલીઝ થાય. ફિલ્મની સ્ક્રિપ્ટ નક્કી થઈ ગઈ છે. આ એક સિચ્યુએશનલ કોમેડી ફિલ્મ હશે. જેમાં મોટી કાસ્ટ હશે.

હાલ અન્ય મહત્વના રોલ માટે કાસ્ટિંગ ચાલુ છે.”આ ફિલ્મ ૨૦૧૯માં આવેલી ફિલ્મ ‘પતિ પત્ની ઔર વો’ની સિક્વલ છે, જોકે, એ ફિલ્મ પણ ૧૯૭૮ની એ જ નામથી આવેલી ફિલ્મની રીમેક હતી.

સુત્રએ જણાવ્યું, “આ ફિલ્મનો પ્લોટ ઓરિજિનલ છે, આ કોઈ રીમેક નથી. આની વાર્તા નવી છે, તેમાં કલાકારો પણ નવા છે, જે માત્ર ળેન્ચાઈઝીને આગળ વધારશે.” આયુષ્યમાન આ ફિલ્મ પુરી કરીને સુરજ બડજાત્યાની ફિલ્મ શરૂ કરશે, જેનું કામ ડિસેમ્બર ૨૦૨૫થી શરૂ થવાની શક્યતા છે.SS1MS