મુસ્લિમ યુવકે પ્રેમાનંદ મહારાજને કિડની આપવાની જાહેરાત કરી
નર્મદાપુરમ, જિલ્લાના ઈટારસીમાંથી એક એવો મેસેજ આવ્યો છે, જેણે કેટલાય લોકોના દિલ જીતી લીધા છે. ઈટારસીના રહેવાસી આરિફ ખાને વૃંદાવનના સંત પ્રેમાનંદ મહારાજને પોતાની એક કિડની દાનમાં આપવાની જાહેરાત કરી છે.
સંત પ્રેમાનંદ મહારાજ ધાર્મિક અને સાંસ્કૃતિક એકતાનો મેસેજ આપવામાં અગ્રેસર રહે છે અને તેમની બંને કિડની કામ નથી કરતી. આરિફ ખાને આ ભાવનાત્મક પત્ર જિલ્લા કલેક્ટર સોનિયા મીણા દ્વારા મહારાજ સુધી પહોંચાડ્યો છે. સાથે જ તેમણે વોટ્સએપ અને ઈમેલ દ્વારા પણ પોતાની ઈચ્છા વ્યક્ત કરી છે.
પત્રમાં આરિફે લખ્યું છે કે, તે ઈચ્છે છે કે સંત પ્રેમાનંદ મહારાજનું આયુષ્ય લાંબુ હોય અને તેઓ દેશમાં પ્રેમ-મોહબ્બત અને કોમી એકતાનો સંદેશ આપતા રહે. તેમણે કહ્યું કે, હું રહું કે ન રહું પણ આવા સંતોની બહુ જરૂર છે, આ નફરતના માહોલમાં.
આરિફનું કહેવું છે કે તે એક નાની એવી દુકાનમાં કામ કરે છે, પણ તેના વિચારો બહુ મોટા છે. તે દેશભરમાં તમામ ધર્મો વચ્ચે પ્રેમ બનાવી રાખવા માગે છે. પ્રેમાનંદ મહારાજના પ્રવચનો સોશિયલ મીડિયા દ્વારા જોઈ આરિફને શ્રદ્ધા જાગી અને તેમને સતત ફોલો કરવાનું શરૂ કરી દીધું. મહારાજ હવે બે ધર્મો વચ્ચે મોહબ્બત અને સૌહાર્દની વાત કહે છે, આરિફ એ જ ભાવનાથી પ્રસન્ન થયો છે.
આરિફનું આ પગલું ન ફક્ત બલિદાન દર્શાવે છે, પણ એક મજબૂત કોમી એકતાનો સંદેશ પણ આપે છે. તેણે પોતાની નાની એવી ભેટ પોતાની કિડની સમર્પણ સાથે આપી છે, જેથી સંત પ્રેમાનંદ મહારાજને સ્વાસ્થ્ય અને જીવનની દીર્ઘતા મળી શકે.
પ્રેમાનંદ મહારાજ, વૃંદાવનમાં રહેતા પ્રસિદ્ધ આધ્યાÂત્મક ગુરુ છે. જે રાધા વલ્લભ સંપ્રદાય સાથે જોડાયેલા છે. તેઓ નાનપણથી જ સંન્યાસના માર્ગે નીકળી પડ્યા અને વૃંદાવનમાં સાધના જીવન શરૂ કર્યું. તેમનો જન્મ ૩૦ માર્ચ ૧૯૬૯ના રોજ કાનપુરના સરસૌલ બ્લોકના છેલ્લા ગામમાં થયો હતો.
જન્મનું નામ અનિરુદ્ધ કુમાર પાંડેય છે. ખાલી ૧૩ વર્ષની ઉંમરમાં તેમણે સાંસારિક જીવન ત્યાગી બનારસ અને પછી વૃંદાવનમાં આધ્યાÂત્મક સાધના શરૂ કરી. જો કે હવે તેમના સ્વાસ્થ્યને લઈને ગંભીર સમસ્યા સામે આવી છે.
કહેવાય છે કે તેઓ ઓટોસોમલ ડોમિનેંટ પોલીસિસ્ટિક કિડની ડિઝીઝથી પીડિત છે અને બંને કિડનીઓ ફેલ થઈ ચૂકી છે. આ બીમારી શરીરમાં કિડનીમાં સિસ્ટ બનવાનું કારણ હોય છે. જે તેમની કાર્યક્ષમતાને પ્રભાવિત કરે છે. બોલિવૂડ સેલિબ્રિટી રાજ કુંદ્રા જેવા અમુક તેમને કિડની આપવાની ઓફર કરી ચૂક્્યા છે. કારણ કે તેઓ દાયકાથી કિડની ફેલની સ્થિતિમાં જીવી રહ્યા છે.SS1MS
