માલપુર પાસે વાત્રક નદીમાં દંપતીએ બાળક સાથે ઝંપલાવ્યું, પતિનું મોત

ભિલોડા, અરવલ્લી જિલ્લાના માલપુર નજીકની વાત્રક નદીમાં એક દંપતીએ પોતાના બાળક સાથે કૂદી આપઘાત કરવાનો પ્રયાસ કર્યાે હતો. આ દુર્ઘટનામાં પતિનું સ્થળ પર જ મોત નીપજ્યું હતું જ્યારે પત્ની અને બાળકને સ્થાનિક લોકોએ બચાવી લઈ તાત્કાલિક સારવાર માટે માલપુર ખાતે હોસ્પિટલ ખસેડવામાં આવ્યા હતા.

હાલ પ્રાથમિક કારણ મુજબ ઘર કંકાશ ને લઇ આ પગલું ભર્યું હોવાની માહિતી પ્રાપ્ત થઇ છે મળતી માહિતી મુજબ માલપુર તાલુકાના કોયલીયા ગામના ભુરાભાઇ ચીમનભાઈ ખાંટે (ઉં.વ. ૨૯), પોતાની પત્ની સંગીતાબેન ભુરાભાઇ ખાંટ (ઉં.વ. ૨૭), અને બેવર્ષીય બાળક દ્‌›વીલ સાથે માલપુર નજીકની વાત્રક નદીમાં ઝંપલાવ્યું હતું.

ઘટનાની જાણ થતાં જ મોડાસા નગરપાલિકાની રેસ્ક્યુ ટીમ તાત્કાલિક ઘટનાસ્થળે દોડી આવી હતી અને બચાવ કામગીરી હાથ ધરી હતી.

જોકે, ભુરાભાઈ ખાંટનું મોત નીપજ્યું હતું જ્યારે પત્ની સંગીતાબેન અને બાળક દ્‌›વીલને સ્થાનિકો દ્વારા બચાવી લઈ સારવાર અર્થે ખસેડાયા હતા. ઘટના અંગે માલપુર પોલીસ દ્વારા તપાસ શરૂ કરવામાં આવી છે.

આપઘાતના આ પ્રયાસ પાછળના કારણો હજી સુધી બહાર આવ્યા નથી, પરંતુ પોલીસ વિવિધ દિશામાં તપાસ ચલાવી રહી છે. આ ઘટનાથી વિસ્તારમાં ભારે ચકચાર મચી ગઈ છે. સ્થાનિક લોકો ઘટનાસ્થળે ભેગા થઈ ગયા હતા અને પરિવારજનો પર શોકનો માહોલ છવાઈ ગયો છે.SS1MS