જાપાનની મદદથી બુલેટ ટ્રેનનું કામ ઝડપથી ચાલી રહ્યુ છે પણ અમે અટકીશું નહિંઃ PM મોદી
ભારત-જાપાન ભાગીદારી વૈશ્વિક ટેક ક્રાંતિને દિશા આપશે : PM મોદી
“જાપાન ટેક પાવરહાઉસ છે અને ભારત ટેલેન્ટ પાવરહાઉસ છે.”: PM મોદી
PM મોદીએ કહ્યુઃ Auto sector में हमारी भागीदारी बेहद सफल रही है। हम साथ मिलकर, वही magic, बैटरीज़, रोबोटिक्स, सेमी-कन्डक्टर, शिप-बिल्डिंग और nuclear energy में भी दोहरा सकते हैं। साथ मिलकर, हम ग्लोबल साउथ, विशेषकर अफ्रीका के विकास में अहम योगदान दे सकते हैं। मैं आप सबसे आग्रह करता हूँ- Come, Make in India, Make for the world
ટોક્યો, 29 ઑગસ્ટ વૈશ્વિક વેપાર વ્યવસ્થા શુલ્ક અનિશ્ચિતતાઓ વચ્ચે નવા રીતે ગોઠવાઈ રહી છે ત્યારે વડાપ્રધાન નરેન્દ્ર મોદીએ શુક્રવારે જણાવ્યું કે જાપાનની ટેક્નોલોજી અને ભારતની પ્રતિભા સાથે મળીને વૈશ્વિક સ્તરે વિશાળ ટેક ક્રાંતિ લાવી શકે છે.
Addressing the India-Japan Economic Forum in Tokyo. Strong business ties between our nations are a vital element of our friendship. https://t.co/OUSvy98eJo
— Narendra Modi (@narendramodi) August 29, 2025
જાપાનના મહત્વને પુનરાવર્તિત કરતાં પીએમ મોદીએ જાપાનીઝ ઉદ્યોગપતિઓને આહ્વાન કર્યું કે તેઓ “મેક ઈન ઈન્ડિયા અને મેક ફોર ધ વર્લ્ડ”ના મંત્ર હેઠળ ભારતમાં રોકાણ કરે.
આર્થિક મંચ પર સંબોધન કરતાં મોદીએ જણાવ્યું: “મને આનંદ છે કે મારી યાત્રાની શરૂઆત બિઝનેસ જાયન્ટ્સ સાથે થઈ છે. ભારતના વિકાસપ્રવાસમાં જાપાન હંમેશા મહત્વપૂર્ણ ભાગીદાર રહ્યું છે. મેટ્રો રેલથી લઈને મેન્યુફેક્ચરિંગ, સેમિકન્ડક્ટરથી લઈને સ્ટાર્ટઅપ્સ સુધી, અમારી ભાગીદારી પરસ્પર વિશ્વાસનું પ્રતિક બની છે.”
મોદીએ જણાવ્યું કે અત્યાર સુધી જાપાનીઝ કંપનીઓએ ભારતમાં 40 અબજ ડોલરથી વધુનું રોકાણ કર્યું છે. “છેલ્લા 11 વર્ષોમાં તમે ભારતના અદભૂત પરિવર્તનના સાક્ષી રહ્યા છો. આજે દેશમાં રાજકીય તથા આર્થિક સ્થિરતા છે અને ભારત વૈશ્વિક વૃદ્ધિમાં 18 ટકા યોગદાન આપી રહ્યું છે,” એમ તેમણે ઉમેર્યું.
મોદીએ જણાવ્યું કે આ વૃદ્ધિકથા ભારતના ‘રિફોર્મ, પર્ફોર્મ એન્ડ ટ્રાન્સફોર્મ’ અભિગમનું પરિણામ છે, જેમાં GST તથા આવકવેરા સુધારાઓ જેવા પગલાં સામેલ છે.
“અમે ‘ઈઝ ઓફ ડૂઈંગ બિઝનેસ’ પર ધ્યાન કેન્દ્રિત કર્યું છે. બિઝનેસ માટે સિંગલ વિન્ડો સિસ્ટમ શરૂ કરી છે. 45,000થી વધુ કંપ્લાયન્સને સરળ બનાવ્યા છે,” એમ મોદી બોલ્યા. તેમણે ઉમેર્યું કે “અમે ડિફેન્સ અને સ્પેસ જેવા ક્ષેત્રો પ્રાઈવેટ સેક્ટર માટે ખોલ્યા છે અને હવે ન્યુક્લિયર ક્ષેત્ર પણ ખુલ્લું કરવામાં આવી રહ્યું છે, જે સહકાર માટે વધુ તકો ઊભી કરશે.”
મોદીએ જણાવ્યું કે ગુજરાતના સ્ટીલ પ્લાન્ટથી લઈને ભારતના ગામડાઓમાં બાયોગેસ પ્રોજેક્ટ્સ સુધી, આસામની ગેટવે ભૂમિકા થી લઈને ટોક્યોની આરએન્ડડી લેબ્સ સુધી, ખેડૂતો થી લઈને બેંગલુરુ અને ટોક્યોના AI એન્જિનિયર્સ સુધી, સેમિકન્ડક્ટર ફેબ્સ થી લઈને શૈક્ષણિક વિનિમય સુધી – ભારત-જાપાન વચ્ચે થયેલા MoU એક નવા યુગના સહકારનો પુલ બાંધી રહ્યા છે.
‘મેક ઈન ઈન્ડિયા, મેક ફોર ધ વર્લ્ડ’ના દ્રષ્ટિકોણ સાથે આ ભાગીદારી માત્ર ભારત અને જાપાન જ નહીં પરંતુ આખા પ્રદેશ અને વિશ્વ માટે ઔદ્યોગિક, કૃષિ અને માનવીય વિકાસ ક્ષેત્રોમાં નવા માપદંડો ઊભા કરશે.
