રૂ.૨૫૦ કરોડના બંગલાના વીડિયો વાયરલ થતા આલિયા ભટ્ટ નારાજ

મુંબઈ, આલિયા ભટ્ટ અને રણબીર કપૂરના નવા આલીશાન ઘરનો વીડિયો સોશિયલ મીડિયા પર વાયરલ થયાના થોડા દિવસો પછી, આલિયાએ એક લાંબી પોસ્ટ શેર કરી જેમાં તેણે આવા વીડિયોની ટીકા કરી હતી.થોડા દિવસ પહેલા જ, એક ફેન પેજે રણબીર કપૂર અને આલિયા ભટ્ટના નવા આલીશાન ઘરનો એક વીડિયો શેર કર્યાે હતો, જેનું કામ થોડા વર્ષાેથી ચાલી રહ્યું છે.

લગભગ તૈયાર બંગલો બધાનું ધ્યાન ખેંચી રહ્યો છે. પરંતુ વાયરલ થઈ રહેલો નવો વીડિયો તેમના નવા બંગલાના અંદરના ભાગની ઝલક પણ આપે છે અને આ આલિયાને ગમ્યું નહીં.

તેણે તેના સોશિયલ મીડિયા પર આ વીડિયોની ટીકા કરી અને લોકોને આ વીડિયો આગળ ફોરવર્ડ ન કરવા વિનંતી કરી. તેની ઇન્સ્ટાગ્રામ સ્ટોરી પર, આલિયા ભટ્ટે એક લાંબી પોસ્ટ શેર કરી, જેમાં સ્પષ્ટ ક્હ્યું કે તે તેના નવા ઘરના વીડિયો વાયરલ થવાથી ખુશ નથી. “હું સમજું છું કે મુંબઈ જેવા શહેરમાં જગ્યા મર્યાદિત છે – ક્યારેક તમારી બારીમાંથી દેખાતો નજારો જ બીજા વ્યક્તિનું ઘર હોઈ શકે છે.

પરંતુ તે કોઈને પણ અંગત રહેઠાણોનું શૂટિંગ કરવાનો અને તે વીડિયો ઓનલાઈન પોસ્ટ કરવાનો અધિકાર આપતું નથી.”તેણે આગળ લખ્યું કે તેમના ઘરનો વીડિયો સોશિયલ મીડિયા પર ઘણા પેજ દ્વારા તેમની જાણકારી કે સંમતિ વિના પોસ્ટ કરવામાં આવી રહ્યો છે અને તેને ગોપનીયતા પર આક્રમણ અને ગંભીર સુરક્ષા મુદ્દો ગણાવ્યો. તેણે કહ્યું કે પરવાનગી વિના કોઈની અંગત જગ્યાનું શૂટિંગ કે ફોટોગ્રાફી કરવી એ સામગ્રી માનવામાં આવતી નથી અને તે કાયદાનું ઉલ્લંઘન છે અને તેને ક્યારેય સામાન્ય માનવું જોઈએ નહીં.”આલિયાએ એમ પણ કહ્યું, “વિચારોઃ શું તમે તમારા ઘરની અંદરના વીડિયોને તમારી જાણ વગર જાહેરમાં શેર કરવામાં આવે તે સહન કરશો? આપણામાંથી કોઈ નહીં કરે. તો અહીં એક નમ્ર પરંતુ મક્કમ વિનંતી છેઃ

જો તમને આવી સામગ્રી ઓનલાઈન મળે, તો કૃપા કરીને તેને ફોરવર્ડ કરશો નહીં અથવા વધુ શેર કરશો નહીં અને મીડિયામાં અમારા મિત્રો જેમણે આ છબીઓ અને વીડિયો પ્રસારિત કર્યા છે તેમનેઃ હું તમને વિનંતી કરું છું કે તેમને તાત્કાલિક દૂર કરો.”

જો અલિયાની ફિલ્યની વાત કરવામાં આવે તો તેની પાસે એવી બે ફિલ્મ છે, જેની આતુરતાથી રાહ જોવાય છે. તે રૂઇહ્લની આલ્ફામાં જોવા મળશે, જે એક એક્શન ફિલ્મ છે. આ પહેલી વાર હશે જ્યારે તે હાઈ-ઓક્ટેન એક્શન અવતારમાં જોવા મળશે.

તે શર્વરી અને બોબી દેઓલ સાથે સ્ક્રીન સ્પેસ શેર કરશે. આ ઉપરાંત તેની પાસે લવ એન્ડ વોર પણ છે. સંજય લીલા ભણસાલી દિગ્દર્શિત આ ફિલ્મમાં તે પતિ રણબીર કપૂર અને વિક્કી કૌશલ સાથે જોવા મળશે.SS1MS