વડોદરાના રેલવે સ્ટોર રૂમમાંથી ૩૮.૦૯ લાખનો દારૂ ઝડપાયો

રેલવે કર્મચારી તથા આરપીએફ જવાનના પુત્રની સંડોવણી બહાર આવી

બંને આરોપીને ઘરે પોલીસ દ્વારા તપાસ કરતા મળી આવ્યા ન હતા તેથી તેઓને વોન્ટેડ જાહેર કર્યા છે

વડોદરા, વડોદરા રેલવેમાં મિકેનિકલ વિભાગમાં પોઇન્ટ મેન તરીકે ફરજ બજાવતા તથા આરપીએફમાં ફરજ કર્મચારીના પુત્ર દ્વારા રેલવેના સ્ટોર રૂમમાં સંતાડી રાખેલો રૂ. ૩૮.૦૯ લાખનો દારૂ એલસીબી પોલીસે ઝડપી પાડ્યો હતો. જ્યારે બંને આરોપીને ઘરે તપાસ કરતા નહી મળી આવતા તેમને વોન્ટેડ જાહેર કર્યા છે.

વડોદરા શહેરના રેલવે સ્ટેશન વિસ્તારમાં એલસીબીની ટીમ પેટ્રોલિંગમાં ફરી રહી હતી અને રેલવે મેમુ કાર શેડ વિસ્તારમાં આવેલા રેલવે સ્ટોરરૂમમાં તપાસ કરી હતી ત્યારે સ્ટોરમમાંથી ભંગારના સામાન સાથે સંતાડી રાખેલો રૂ.૩૮.૦૯ લાખનો વિદેશી દારૂનો જથ્થો મળી આવ્યો હતો.રેલવે દ્વારા કોન્ટ્રાક્ટરને સામાન મુકવા માટે સ્ટોર આપવામા આવ્યો હતો.

પરંતુ કોન્ટ્રાક્ટરની જાણ બહાર આ સ્ટોર રૂમમાં ગેરકાયદે દારૂનો જથ્થો મુકવામાં આવ્યો હતો. જેથી પોલીસે દારૂનો જથ્થો કબજે કરીને કોણે આ દારૂ મુક્યો હતો તેની તપાસ કરી હતી. ત્યારે આ દારૂનો જથ્થો રેલવે કોલોનીમા રહેતા અને રેલવેના મિકેલનીક વિભાગમાં પોઇન્ટ મેનનું કામ કરતા કાયમી કર્મચારી રૂબિન શેખ ઉર્ફે કટ્ટે તથા કપિલસિંગ દ્વારા દારૂનો જથ્થો મુકવામાં આવ્યો હતો.

જેથી પોલીસ દ્વારા દારૂ મુકનાર રુબિન શેખ તથા કપિલસિંગના ઘરે તપાસ કરવા માટે ગયા હતા. ત્યારે બંને હાજર ન હોય તેમને વોન્ટેડ જાહેર કર્યા છે. કપિલસિંગના પિતા આરપીએફ વિભાગમાં કોન્સ્ટેબલ તરીકે ફરજ બજાવતા હોવાનું જાણવા મળી રહ્યું છે.ss1