ભારતે અમેરિકા પરનો ટેરિફ ઘટાડી શૂન્ય કરવાની ઓફર કરીઃ ટ્રમ્પનો દાવો

ન્યૂયોર્ક, ચીનમાં યોજાયેલી શાંઘાઈ કોઓપરેશન ઓર્ગેનાઈઝેશન (એસસીઓ)ની બેઠકમાં રચાયેલી ભારત-ચીન અને રશિયાની નવી ધરીથી જગત જમાદાર અમેરિકાના પેટમાં ફાળ પડી છે. ચીન અને રશિયા સાથેની ભારતની વધતી નિકટતાથી અકળાયેલાં અને આડેધડ દાવા કરવા માટે કૂખ્યાત બનેલાં અમેરિકાના રાષ્ટ્રપ્રમુખ ડોનાલ્ડ ટ્રમ્પે સોમવારે વધુ એક ચોંકાવનારો દાવો કર્યાે હતો.

આ નવા દાવામાં ટ્રમ્પે જણાવ્યું હતું કે, ભારતે હવે કોઈ પણ પ્રકારના સામા વળતર કે રાહત માગ્યા વગર અમેરિકા પરનો ટેરિફ ઘટાડી શૂન્ય કરવાની ઓફર કરી હતી.

જોકે હવે ઘણું મોડું થઈ ચુક્યું હોવાનું જણાવી ભારતને ૫૦ ટકાના જંગી ટેરિફમાંથી રાહત નહીં આપવાનો સંકેત આપ્યો હતો.ટ્રમ્પે ઉમેર્યું હતું કે, ભારત મોટાભાગનું ઓઈલ અને શસ્ત્રો રશિયા પાસેથી ખરીદે છે.

જ્યારે અમેરિકા પાસેથી બહું ઓછી વસ્તુઓ ખરીદે છે. કેટલાંક લોકોનું માને છે કે, આપણે ભારત સાથે બહું ઓછો કારોબાર કરીએ છીએ, પરંતુ તેઓ આપણી સાથે જંગી વેપાર કરે છે. અમેરિકા ભારતનું સૌથી મોટું ગ્રાહક છે.

ભારત આપણને જંગી પ્રમાણમાં માલ-સામાનનું વેચાણ કરે છે, જેની સામે આપણે તેમને બહું ઓછી વસ્તુઓ વેચીએ છીએ.વોશિંગ્ટનઃ અમેરિકી પ્રમુખ ટ્રમ્પના દાવા અનુસાર, ટેરિફના અમલને પગલે અમેરિકાને અબજો ડોલરની આવક થઈ છે.

પોતાની વેપાર નીતિનો બચાવ કરતી એક સોશિયલ મીડિયા પોસ્ટમાં ટ્રમ્પે દાવો કર્યાે હતો કે, અમેરિકામાં ચીજ-વસ્તુઓની કિંમતમાં નોંધપાત્ર ઘટાડો થયો છે અને મોંઘવારી દૂર થઈ છે.

દેશમાં ઉર્જાની કિંમતમાં જંગી ઘટાડો થયો છે, પેટ્રોલનો ભાવ પણ વર્ષાેના નીચા સ્તરે છે. આ બધું અદભૂત ટેરિફના અમલ છતાં થયું છે, જેને કારણે અત્યાર સુધી આપણો લાભ લઈ રહેલાં દેશો પાસેથી અમેરિકાને અબજો ડોલરની આવક થઈ છે.SS1MS