ઓનલાઇન ટાસ્ક પૂરા કરી પૈસા મેળવવાના ચક્કરમાં યુવતીને ૩.૧૪ લાખ ગુમાવવા પડ્યા

અમદાવાદ, દરિયાપુર વિસ્તારમાં રહેતી યુવતીએ ઓનલાઇન ટાસ્ક પૂરા કરી પૈસા મેળવવાના ચક્કરમાં ૩.૧૪ લાખ ગુમાવવા પડ્યા છે. આ મામલે દરિયાપુર પોલીસે ફરિયાદ નોંધી તપાસ આદરી છે. નોંધનીય છે કે, ગઠિયાએ પહેલાં તો ટાસ્ક પૂરા કરતાની સાથે ઓનલાઇન પૈસા ટ્રાન્સફર કર્યા હતા પરંતુ ત્યારબાદ પૈસા ઉપાડવા માટે પૈસા ભરાવી ઠગાઇ આચરી હતી.

દરિયાપુરમાં ૩૮ વર્ષિય હિરલ પતિ સહિત પરિવાર સાથે રહે છે. હિરલ બેંક ઓફ બરોડા તથા સેન્ટ્રલ બેંક ઓફ ઇન્ડિયામાં એકાઉન્ટ ધરાવે છે. બન્ને ખાતામાં તે ગુગલ પે વાપરે છે. ૧૩ જુલાઇએ હિરલને ટેલિગ્રામ એપ પર એચબીટીઆર નામના ગ્‰પ પરથી મેસેજ આવ્યો હતો. જેમાં ક્લીક કરતા તે ગ્‰પમાં એડ થઇ ગઇ હતી. ગ્‰પમાં હોટલના ફોટો અને લીંક મૂકવામાં આવી હતી.

ઉપરાંત કહેવામાં આવ્યું હતું કે, હોટલની સર્વિસ તથા ભોજન કેવું છે તે બાબતે લીંક ખોલી રિવ્યૂ આપવાથી પૈસા મળશે. જે પાંચ ટાસ્ક પૂરા કરશે તેને કમિશન પેટે ૨૦૦ રૂપિયા મળશે.

પાંચ ટાસ્ક બાદ છઠ્ઠા ટાસ્ક પૂરા કરવા માટે એક યુપીઆઇ આઇડીમાં ૧૦૧૦ રૂપિયા ટ્રાન્સફર કરવા પડશે અને ત્યારબાદ ટાસ્ક પૂરા કરતા ૧૫૧૩ રૂપિયા પરત આપવામાં આવશે. જેથી હિરલે ટાસ્ક પૂરા કરવા માટે હા પાડી હતી અને ત્યારબાદ તેણે પોતાની બેંક સહિતની ડિટેઇલ સામેવાળી વ્યક્તિને મોકલી આપી હતી.

પહેલાં તેણે પાંચ ટાસ્ક પૂરા કરતા પૈસા આવી ગયા હતા. જેથી તેણે છઠ્ઠા ટાસ્ક માટે ૧૦૧૦ રૂપિયા ગુગલ પેથી ટ્રાન્સફર કરી દીધા હતા. તે ટાસ્ક પૂરો કરતા જ ૧૫૧૩ રૂપિયા તેના ખાતામાં આવી ગયા હતા. આમ કરતા કરતા તેણે ૧૭ ટાસ્ક પૂરા કર્યા હતા અને પૈસા આવી ગયા હતા. જેથી તેણે વિશ્વાસ આવ્યો હતો. ૧૮માં ટાસ્કમાં ૭૧૦૦ રૂપિયા ભર્યા હતા.

ત્યારબાદ તે પૈસા પરત લેવા માટે લીંક આવી હતી. જેમાં ક્લીક કરતા પૈસા ળીઝ થઇ ગયા હોવાનો મેસેજ આવ્યો હતો અને પૈસા પરત જોઇતા હોય તો ૩૩૯૬૦ રૂપિયા ભરવા પડશે ત્યારબાદ તમામ પૈસા પરત મળશે. આમ ધીરે ધીરે સામેવાળી વ્યક્તિએ હિરલના ખાતાના ૧.૮૯ લાખ મેળવી લીધા હતા.

ત્યારબાદ પૈસા પરત આપવાનો વિશ્વાસ આપી બીજા પૈસા માગતા તેણે પતિના ખાતામાંથી પણ પૈસા ટ્રાન્સફર કરવાની શરૂઆત કરી હતી. ઉપરાંત પૈસા પરત મેળવવા લીંક પણ મોકલવામાં આવતી પરંતુ પૈસા વિડ્રો થતા ન હતા.

આમ કરતા કરતા તેણે ૩.૧૪ લાખ રૂપિયા ટ્રાન્સફર કરી દીધા હતા. ત્યારે સામેવાળાએ કહ્યું હતું કે, હવે બીજા ૩.૧૪ લાખ રૂપિયા ભરશો તો ૯.૬૫ લાખ પરત મળશે. જો કે, હિરલ પાસે પૈસા ન હોવાથી તેણે આ અંગે સગાને જાણ કરી હતી. ત્યારબાદ તેણે ઠગાયાનો અહેસાસ થતા ઓનલાઇન ફરિયાદ કરી હતી. આ મામલે દરિયાપુર પોલીસે ફરિયાદ નોંધી તપાસ આદરી છે.SS1MS