૮ કરોડના ખર્ચે બનેલી ‘વશ લેવલ-૨’ એ ૬ દિવસમાં ૭.૫૯ કરોડ કમાઈ લીધા

મુંબઈ, ગુજરાતી ફિલ્મ ‘વશ લેવલ-૨’ બોક્સ ઓફિસ પર ધૂમ મચાવી રહી છે. આ એ જ ફિલ્મ છે જેનો પહેલા ભાગ અજય દેવગન અને આર. માધવનની ફિલ્મ ‘શૈતાન’ બનાવવામાં આવી હતી. ‘વશ’નો પહેલો ભાગ ફક્ત ગુજરાતીમાં રિલીઝ થયો હતો, પરંતુ તેનો બીજો ભાગ નિર્માતાઓ દ્વારા હિન્દીમાં રિલીઝ કરવામાં આવ્યો છે.

કૃષ્ણદેવ યાજ્ઞિક દ્વારા દિગ્દર્શિત, આ ફિલ્મને ૮.૧ રેટિંગ મળ્યું છે અને જો તમે ‘શૈતાન’ જોઈ હોય તો વાર્તા ત્યાંથી શરૂ થાય છે જ્યાંથી તે પહેલા ભાગમાં સમાપ્ત થઈ હતી.માત્ર ૮ કરોડના ખર્ચે બનેલી આ ફિલ્મે બોક્સ ઓફિસ પર અત્યાર સુધીમાં ૭ કરોડ ૫૯ લાખની કમાણી કરી છે.

એટલે કે ફક્ત ૬ દિવસમાં, આ ફિલ્મે તેનો ખર્ચ લગભગ વસૂલ કરી લીધો છે અને હવે ૭મા દિવસથી, તે બોક્સ ઓફિસ પર નફો કરવા લાગશે. પહેલા દિવસે જ ફિલ્મની કમાણી ૧ કરોડ ૩૦ લાખ હતી. બીજા અને ત્રીજા દિવસે તેણે ૯૦ લાખ અને પછી ચોથા અને પાંચમા દિવસે ફિલ્મનો કમાણીનો ગ્રાફ વધીને ૧.૭ કરોડ અને ૨.૨ કરોડ થયો.

કોઈ મોટી સ્ટાર કાસ્ટ વગર, આ ફિલ્મ બોક્સ ઓફિસ પર એટલી બધી કમાણી કરી રહી છે કે તેણે ૬ દિવસમાં જ તેનો ખર્ચ પાછો મેળવી લીધો છે.

જ્યારે અજય દેવગણે ફિલ્મ શૈતાનનો રિમેક બનાવ્યો હતો, ત્યારે તેણે વશમાંથી ફક્ત એક જ અભિનેત્રી લીધી હતી, અને તે જાનકી બોડીવાલા હતી જેણે અજયની પુત્રીનો રોલ કર્યાે હતો. આ ભૂમિકા માટે અજયને જાનકી કરતાં વધુ સારી અભિનેત્રી મળી ન હતી. જાનકીએ મૂળ પહેલા ભાગમાં વશ હેઠળ આવતી છોકરીનો રોલ પણ ભજવ્યો છે.SS1MS