રાપરના મેળામાં રાજબાઈ મંદિર પાસે જ ૧૯ વર્ષીય યુવકને રહેંસી નાખી હત્યા

ભુજ, કચ્છના રાપર વિસ્તારમાં રાજબાઈ મા મંદિર પાસે યોજાયેલા મેળામાં ૧૯ વર્ષીય યુવકને જાહેરમાં રહેસી નંખાયો હતો. ભત્રીજી યુવતી સાથે આડા સંબંધની શંકાએ કાકાએ યુવકની ધારદાર હથિયારના આડેધડ ઘા ઝીંકી નિર્મમ હત્યા કરી નાખી હતી.મળતી માહિતી મુજબ, આજે રાપર તાલુકાના કારુડા ગામે રાજબાઇના મંદિરે વાર્ષિક મેળો યોજાયો હતો.

આ મેળામાંથી એક યુવક બહાર આવી રહ્યો હતો. આ સમયે તેને આંતરીને છરીના ઉપરાઉપરી ઘા મારી દેવાયા હતા. જેના પગલે યુવકનું મૃત્યુ થયું હતું. યુવકના શરીરમાંથી એટલું બધું લોહી વહ્યું કે, પાસે ખાબોચિયું ભરાઈ ગયું હતું. અંતે ગંભીર રીતે ઘવાયેલા યુવકે દમ તોડી દીધો હતો.

આ મામલે પોલીસે સૂત્રોના જણાવ્યા પ્રમાણે, એક પરિવારની દીકરી સાથે આડા સંબંધની આશંકાએ યુવતીના કાકાએ રાપરના મોમાંય વાંઢ વિસ્તારમાં રહેતા ૧૯ વર્ષીય નરેશ સામા કોલી નામના યુવક પર તિક્ષ્ણ હથિયારથી હુમલો કર્યાે હતો.

આ હુમલામાં ગંભીર રીતે ઘવાયેલા યુવકનું મૃત્યુ થયું છે. આ મામલાની પ્રાથમિક તપાસ ચાલી રહી છે. પોલીસ સ્ટાફ સાથે ઘટના સ્થળે ઝીણવટભરી તપાસ કરી રહી છે. તેમજ હત્યા કરીને ફરાર થઇ ગયેલા આરોપીને પકડવા કવાયત શરૂ કરી છે.SS1MS