રહેમાનની કબૂલાત: રીલ્સ જોઇને કલાકારોને શોધું છું

મુંબઈ, ઓસ્કાર વિજેતા સંગીતકાર એ.આર.રહેમાન સંગીતમાં અને વાજિંત્રોમાં અન્ય દરેક કલાકારોથી વધુ પ્રયોગો કરવા માટે જાણીતા છે. તેઓ પોતાના ગીતો માટે નવા નવા ગાયકો પણ શોધી લાવે છે.

ત્યારે તાજેતરના એક ઇન્ટરવ્યુમાં, રહેમાને ભાર મૂક્યો હતો કે સંગીતમાં સમાજને આકાર આપવાની શક્તિ છે અને આજે લોકો ‘સારા સંગીત અને કવિતા માટે ઝંખે છે’.

તેમણે એવું પણ કબૂલ્યું કે તેઓ સોશિયલ મીડિયા પર રીલ્સ જોઈને કલાકારો શોધે છે. રહેમાને ઇન્ટરવ્યુમાં કહ્યું,“પહેલા જ્યારેવિશ્વ સાંસ્કૃતિક રીતે અનેક સીમાડાઓમાં બંધાયેલું હતું તેનાથી વિપરીત, દુનિયા હવે ઘણી ખુલ્લી છે. ઉદાહરણ તરીકે, આપણે ટર્કિશ વાદ્યો પર ભારતીય નોટ્‌સ વગાડી શકીએ છીએઅને લોકો વિવિધ સાઉન્ડનો આનંદ માણે છે.”

તાજેતરમાં રહેમાને ટર્કિશ સ્ટ્રિંગ સંગીતકાર, પુણેના ઢોલ વાદક અને લખનૌના શાસ્ત્રીય ગાયક સાથે જોડાવા માટે સોશિયલ મીડિયાનો ઉપયોગ કર્યાે હતો. આ અંગે રહેમાને કહ્યું,“હું તમામ પ્રકારનું સંગીત સાંભળું છું.

ક્યારેક હું રેડિયો, ઓનલાઇન મ્યુઝિક પ્લેટફર્મ્સ અથવા રીલ્સ પર સંગીત સાંભળું છુંઅને કોઈ કલાકારને શોધું છું. હું તેમને ડ્ઢસ્ કરું છુંઅને તેઓ જવાબ આપે છે. સારું છે કે દુનિયા નાની થઈ રહી છે.”ત્રણ દાયકાથી પણ લાંબા સમયથી ઇન્ડસ્ટ્રીમાં રહેલા રહેમાન કહે છે, “હંમેશા સંગીતની સારી બાબત એ રહી છે કે તે સમાજને પ્રભાવિત કરે છે. જ્યારે ખરાબ સંગીત આવે છે, ત્યારે લોકો ખરાબ બની જાય છે.

સારા ગીતો અને સારા સૂર સમાજને પ્રેરણા આપે છે. આપણે અરાજકતામાં રહીએ છીએઅને અરાજકતાને સંગીત દ્વારા વધારવી જોઈએ નહીં; ખરેખર તેનાથી ઉલટું હોવું જોઈએ, સંગીતથી જે થઈ રહ્યું છે તેનો ઇલાજ થવો જોઈએ. લોકો સારા સંગીત અને કવિતા માટે ઝંખી રહ્યા છે.”SS1MS