‘ક્રિશ ૪’ ૨૦૨૭માં રિલીઝ કરવાનો રાકેશ રોશનનો સંકેત

મુંબઈ, જ્યારથી રાકેશ રોશને ખાતરી આપી કે ‘ક્રિશ ૪’ બનવા જઈ રહી છે, ત્યારથી ચાહકો ખુશ થઈ ગયાં છે. તાજેતરમાં, તેમણે ખુલાસો કર્યાે કે આ વખતે તેમનો દિકરો રિતિક રોશન ફિલ્મનું ડિરેક્શન કરવા જઈ રહ્યો છે.

તેનાથી રિતિકના ચાહકો વધુ ઉત્સાહીત છે, સાથે હવે દરેકના મનમાં એક જ પ્રશ્ન છેઃ શૂટિંગ ક્યારે શરૂ થશે?રાકેશ રોશને તેમના ૭૬મા જન્મદિવસ પર એક ઇન્ટરવ્યૂમાં વાત કરતા, રાકેશ રોશને ‘ક્રિશ ૪’ વિશે એક અપડેટ શેર કરી છે. રાકેશ રોશન તેમની ફિલ્મનું શૂટિંગ શરૂ થાય તે પહેલાં વિગતવાર પ્રોડક્શન પ્લાન બનાવવા માટે જાણીતા છે અને ‘ક્રિશ ૪’ પણ તેમાં અપવાદ નથી.

રાકેશ રોશને ખુલાસો કર્યાે કે સ્ક્રિપ્ટ લખવામાં વધારે સમય લાગ્યો ન હતો, પરંતુ બજેટનું દબાણ હતું. “હવે જ્યારે અમને આ ફિલ્મ માટે જરૂરી ચોક્કસ બજેટનો ખ્યાલ આવી ગયો છે, તો અમે ફિલ્મ શરૂ કરીશું.”તેમણે વધુમાં જણાવ્યું કે ‘ક્રિશ ૪’ પર કામ પૂરજોશમાં ચાલી રહ્યું છે અને ટીમ આવતા વર્ષના અંત સુધીમાં ફિલ્મનું શૂટિંગ શરૂ કરશે. આનું કારણ એ છે કે આ ફિલ્મમાં પ્રી-પ્રોડક્શન ઘણું મહત્વનું છે.

તેથી, ફ્લોર પર જતાં પહેલા અમારે સારી રીતે તૈયારી કરવી પડશે.”જ્યારે તેમને પૂછવામાં આવ્યું કે શું શૂટિંગ ૨૦૨૬ના અંત સુધી ચાલશે, ત્યારે તેમણે હામાં જવાબ આપ્યો. રાકેશ રોશને જવાબ આપ્યો કે, “અમે તેને ૨૦૨૭માં રિલીઝ કરવાનું વિચારી રહ્યા છીએ.”

અગાઉ, રાકેશ રોશનને પૂછવામાં આવ્યું હતું કે બીજી ક્રિશ ફિલ્મ પર કામ ચાલી રહ્યું છે કે નહીં. જવાબમાં, તેમણે શેર કર્યું કે ટૂંક સમયમાં સત્તાવાર જાહેરાત થવી જોઈએ. તેમણે કહેલું, “હા, તે હવે લગભગ તૈયાર છે. હું ખૂબ જ ટૂંક સમયમાં જાહેરાત કરીશ.”SS1MS