‘કંતારા ચેપ્ટર ૧’માં દિલજિત દોસાંજનું ગીત સાંભળવા મળશે

મુંબઈ, એક્ટર અને ફિલ્મ મેકર ઋષભ શેટ્ટીની ‘કંતારા ચેપ્ટર ૧’, તેની ૨૦૨૨માં આવેલી ફિલ્મ કંતારાની પ્રીક્વલ છે. એ ફિલ્મ એક અણધારી બ્લોકબસ્ટર સાબિત થઈ હતી. તેથી જ્યારથી તેની પ્રીક્વલ વિશે ઘણી ચર્ચા છે.

સાથે જ હવે આ ફિલ્મ પણ બોક્સ ઓફિસ પર સારી ચાલે એવી અપેક્ષા પણ છે.ત્યારે વધુ એક એવો અહેવાલ છે, જેનાથી લોકોના ઉત્સાહમાં વધારો થઈ શકે છે, દિલજિત દોસાંજ આ ફિલ્મ માટે એક એક ગીત રેકોર્ડ કરવાનો છે.

ઇન્ડસ્ટ્રીના સુત્રોના જણાવ્યા અનુસાર, “દિલજિત કંતારા ચેપ્ટર ૧સાથે જોડાય છે એ બાબત જ સૌથી મોટું પેન ઇન્ડિયા કોલબરેશન ગણ શકાય. સમગ્ર દેશમાં ફિલ્મની પહોંચ વધારવા માટે આ પગલું લેવાયું હોવાની ચર્ચા છે.

દિલજિત દોસાંજ ફિલ્મ માટે ગીત રેકોર્ડ કરવાનો છે અને આ ગીત અંગે પણ ઘણા લોકોમાં ઉત્સુકતા હશે.”આ ફિલ્મ હોમબેલ ફિલ્મ્સ દ્વારા પ્રોડ્યુસ કરવામાં આવી છે અને તેમાં ઋષભ શેટ્ટી ઉપરાંત રુકમી વસંત અને સપ્તમી ગોવડા પણ મહત્વના રોલમાં જોવા મળશે.SS1MS