રજનીકાંત અને કમલ હસનને એક સાથે લેવા મામલે ડિરેક્ટર હજુ અવઢવમાં

મુંબઈ, સુપર સ્ટાર રજનીકાંત અને કમલ હસન ૪૬ વર્ષે એકસાથે ફિલ્મ કરશે, તે બાબતે ઘણા સમયથી ચર્ચાઓ ચાલી રહી છે. આ અંગે થોડાં વખત પહેલાં કમલ હસને સાથે કામ કરશે એવી વાત કરી હતી, પછી રજનીકાંતે પણ આ વાતને ટેકો આપ્યો હતો. પરંતુ હવે એવું લાગે છે કે ડિરેક્ટરે હવે આ બંનેને સાથે લઇને કોઈ વાર્તા ફાઇનલ કરી નથી.

થોડાં વખત પહેલાં રજનીકાંતે એરપોર્ટ પરની એક વાતચીતમાં જણાવ્યું હતું કે તેઓ કમલ હસન સાથે ફિલ્મ કરશે અને રાજ કમલ ફિલ્મ્સ ઇન્ટરનેશનલ અને રેડ જાયન્ટ સાથે મળીને આ ફિલ્મને પ્રોડ્યુસ કરશે. જોકે, આ ફિલ્મના ડિરેક્ટરે હજુ આ અંગે કોઈ નિર્ણય લીધો નથી.રજનીકાંતે કહ્યું હતું, “અમે રાજ કમલ અને રેડ જાયન્ટ્‌સ સાથે મળીને એક ફિલ્મ કરવાનું વિચારી રહ્યા છીએ.

જોકે, ડિરેક્ટરે હજુ કોઈ નિર્ણય લીધો નથી. અમારે બંનેને સાથે કામ કરવાની ઇચ્છા છે, પરંતુ તેના માટે અમારી પાસે યોગ્ય વાર્તા અને યોગ્ય પાત્રની જરૂરિયાત છે. જો એવું થયું, તો અમે ચોક્કસ સાથે કામ કરીશું.”રજનીકાંતે આગળ એવું પણ કહ્યું હતું કે, “અમારો તો સાથે કામ કરવાનો વિચાર હતો જ, પરંતુ ડિરેક્ટર, પાત્ર અને અન્ય બાબતો પર હજુ કશું નક્કી થયું નથી.”

અગાઉ એવી પણ ચર્ચા હતી કે લોકેશ કનગરજ એક તમિલ ફિલ્મ બનાવશે, જેમાં આ બે મહાન કલાકારો સાથે જોવા મળશે. જોકે, હવે તેઓ ફિલ્મ ડિરેક્ટ કરતા હોય એવું લાગતું નથી.SS!MS