વિકી કૌશલ અને કેટરિના કૈફે પ્રેગનન્સીની જાહેરાત કરી

મુંબઈ, આખરે વિકી કૌશલ અને કેટરિના કૈફે ગૂડ ન્યુઝ જાહેર કરી દીધા છે. જોકે, છેલ્લા થોડાં દિવસોથી આ વાતની ચર્ચાઓ શરૂ થઈ ગઈ હતી. વિકી કૌશલે એક પોલરોઈડ ફોટો સાથે આ સમાચાર પોતાના ફૅન્સ સાથે શેર કર્યા છે.

છેલ્લા મહિનાઓથી કેટરિના પ્રેગનન્ટ હોવાની અફવાઓ ચાલતી હતી. ૨૦૨૧માં રાજસ્થાનના સવાઇ માધોપુરમાં લગ્ન કર્યા પછી તેમણે તાજેતરમાં ડિસેમ્બરમાં ચોથી એનિવર્સરી ઉજવી હતી. પછી એવી ચર્ચા શરુ થઈ કે ઓક્ટોબરમાં તેઓ માતા-પિતા બનશે. હવે ખુબ ધીરજ પછી વિકી કૌશલે આ સમાચાર જાહેર કરતા તેમના ફૅન્સ ખુશ થઈ ગયા છે.

વિકી કૌશલ અને કેટરિનાએ એક પોલરોઇડ પોટો ઇન્સ્ટાગ્રામ પર શેર કર્યાે હતો. આ ફોટો પર તેમના ફૅન્સ સહિત અનેક સેલેબ્રિટીએ વહાલ વરસાવ્યું છે. આ ફોટોમાં વિકી કેટરિનાના બૅબી બમ્પને પંપાળતો દેખાય છે.

તેમના ચહેરા પર સ્મિત છે. આ ફોટો વિકી અને કેટરિનાએ બંનેએ પકડી રાખેલો છે. આ પોસ્ટની કૅપ્શનમાં તેમણે લખ્યું છે, “અમારા આનંદ અને ઋણાનુવાદથી ભરપુર દિલ સાથે અમે અમારા જીવનનું શ્રેષ્ઠ પ્રકરણ શરૂ કરવા જઈ રહ્યા છીએ.”

વિકી કૌશલ અને કેટરિનાએ જેવા આ સમાચાર શેર કર્યા એવું તેમના પર શુભેચ્છાઓનો વરસાદ થઈ ગયો હતો. જાહન્વી કપૂર, નેહા ધુપિયા, કરીના કપુર સહિતના લોકોએ તેમને શુભેચ્છાઓ આપી હતી. આ ઉપરાંત તમના ફૅન્સે પણ હજારો કમેન્ટ્‌સ કરી હતી.SS1MS