સુરતમાં પત્નીનું ગળું કાપી હત્યા કરનાર પતિને આજીવન કેદની સજા

સુરત, સુરત શહેરના અમરોલી વિસ્તારમાં ચાર વર્ષ પહેલા પત્નીનું ગળું કાપી હત્યા કરવાના ચકચરિત બનાવમાં કોર્ટે હત્યારા પતિને કસૂરવાર ઠેરવી આજીવન કેદની સજા અને ૫૦ હજારનો દંડ ફટકારતો હુકમ કર્યાે હતો.

આરોપી૨૫ વર્ષીય સન્યાસી ઉર્ફે દિપક મૂળ રહે. બડા માધાપુર, જિ. ગંજામ, ઓરિસ્સા) અને જયંતી ઉર્ફે આરતી (રહે. તરાતારીણી, ઓરિસ્સા) વચ્ચે ચાર વર્ષ અગાઉ પ્રેમસંબંધ બંધાયો હતો.

બંને લગ્ન કરવા માગતા હતા, પરંતુ તેમના પરિવારની અસંમતિને કારણે એપ્રિલ ૨૦૧૭માં દિપકે જયંતીને ઓરિસ્સાના તેના ગામથી ભગાવી લાવી હતી.બંનેએ પુરીના મંદિરમાં લગ્ન કર્યા બાદ સુરતના અમરોલી ખાતે ભરથાણાગામ, ખોડીયારનગર સોસાયટીમાં ભાડાના મકાનમાં રહેવા લાગ્યા હતા.

જોકે, સમય જતાં બંને વચ્ચે ઝઘડા શરૂ થયા હતા. ૯ નવેમ્બર ૨૦૧૮ના રોજ દિવાળીની રજા દરમિયાન દિપક અને જયંતી વચ્ચે ફરી ઝઘડો થયો હતો.ગુસ્સે ભરાયેલા દિપકે જયંતીનું ગળું દબાવી તેની હત્યા કરી નાખી હતી.

ત્યારબાદ, પુરાવા નાશ કરવા માટે દિપકે ચાકુ વડે જયંતીનું ગળું કાપી નાખ્યું અને તેનું માથું એક થેલીમાં ભરી અમરોલીમાં અંજની ઇન્ડસ્ટ્રીઝ પાસે કૃભકો રેલવે લાઇનની ઝાડીઓમાં ફેંકી દીધું હતું. બાકીની લાશને ચાદરમાં લપેટી કોસાડ અને ભરથાણા ગામ રેલવે સ્ટેશન વચ્ચેની રેલવે લાઇન પર ફેંકી દીધી.

આ ઉપરાંત, લોહીથી ખરડાયેલી જયંતીની નાઇટી અને ચાદર પણ ઝાડીઓમાં ફેંકી દેવામાં આવી હતી. પોલીસે દિપકની ધરપકડ કરી હતી. કેસની સુનાવણી દરમિયાન સરકારી વકીલ એપીપીએ મજબૂત દલીલો રજૂ કરી, જેના આધારે કોર્ટે આરોપીને આજીવન કેદની સજા અને ૫૦ હજારનો દંડ ફટકારતો હુકમ કર્યાે હતો.SS1MS