1500થી વધુ નોટરીને નિમણૂંક માટે કાયદા વિભાગ દ્વારા પ્રોવિઝનલ લિસ્ટ જાહેર કરવામાં આવ્યું
ડૉક્યુમેન્ટ વેરીફિકેશન પ્રક્રિયા બાદ નોટરીના પ્રમાણપત્ર આપવામાં આવશે
1660 જગ્યા માટે આપેલી જાહેરાતની સામે 1,518 નોટરી પસંદગી પામ્યા
મુખ્યમંત્રી શ્રી ભુપેન્દ્રભાઈ પટેલના નેતૃત્વ અને કાયદા મંત્રી શ્રી ઋષિકેશ પટેલના માર્ગદર્શન હેઠળ રાજ્યના કાયદા વિભાગ દ્વારા સરાહનીય કામગીરી કરવામાં આવી રહી છે.
કોર્ટ અને ન્યાય વ્યવસ્થાના ડીજીટલાઈઝેશન , માળખાકીય સુવિધાઓમાં વધારા બાદ હવે માનવબળમાં વધારો કરતી એક મહત્વપૂર્ણ સફળતા મળી છે. જેનાથી લોકોને ઘર આંગણે ન્યાય મેળવવા વધું સરળતા રહેશે.
અગાઉ 1660 નોટરી માટે આપેલી જાહેરાતની સમગ્ર પસંદગી પ્રક્રિયાના અંતે રાજ્ય સરકારને 1518 જેટલા નોટરીને એપોઇન્ટમેન્ટ આપવામાં આવશે. જેનું પ્રોવિઝનલ લિસ્ટ આજે વેબસાઈટ ઉપર જાહેર કરવામાં આવ્યું હતું.
આ તમામ નોટરી રાજ્યમાં જોડાતા રાજ્યમાં કાયદાકીય ન્યાય પ્રક્રિયા પ્રક્રિયા વધુ ઝડપી અને સરળ બનશે અને ન્યાયિક વ્યવસ્થાને વેગ મળશે.
