વડોદરાની વિદિશાને ‘શાળા આરોગ્ય કાર્યક્રમ’ થકી મળ્યું નવજીવન

વડોદરા, તા. ૯ ઓક્ટોબર, ૨૦૨૫ વડાપ્રધાન નરેન્દ્રભાઇ મોદીના જનવિશ્વાસ, સેવા અને સમર્પણનાં ૨૪ વર્ષ પૂર્ણ થવા પ્રસંગે, ગુજરાતમાં તેમણે શરૂ કરેલી કલ્યાણકારી યોજનાઓના સફળ અમલની ગાથા સામે આવી છે. આમાંની એક છે વડોદરાની વિદિશા નાયક, જેમને શાળા આરોગ્ય કાર્યક્રમ જેવી યોજના થકી નવું જીવન મળ્યું છે.

જન્મથી જ હૃદયની ગંભીર સમસ્યા:

વર્ષ ૨૦૦૭માં જન્મેલી વિદિશાનું વજન માત્ર ૧.૬ કિલોગ્રામ હતું અને તે જન્મથી જ હૃદયની ગંભીર બીમારીથી પીડિત હતી. નાયક પરિવાર માટે બાળકીનો જીવ બચાવવો અને સાથે જ આર્થિક સંઘર્ષ કરવો કપરો હતો.

તત્કાલીન મુખ્યમંત્રીની વિશેષ પહેલ:

વિદિશાની ગંભીર સ્થિતિની વાત તત્કાલીન મુખ્યમંત્રી શ્રી નરેન્દ્રભાઇ મોદીના ધ્યાને આવી હતી. **‘બેટી બચાવો, બેટી પઢાવો’**ના પ્રણેતા મુખ્યમંત્રીશ્રીએ તુરંત કાર્યવાહી કરી. બાળકીનું ઓપરેશન અમદાવાદમાં શક્ય ન હોવાથી, તેમણે આ વિશેષ કિસ્સામાં સરકારી ખર્ચે બેંગલુરુ ખાતે નિષ્ણાત તબીબો પાસે ઓપરેશન કરાવવા માટે સૂચના આપી હતી.

આજે આ વાતને ૧૮ વર્ષના વહાણા વીતી ગયા છે. વિદિશા નાયક આજે સંપૂર્ણપણે તંદુરસ્ત જીવન જીવી રહી છે અને ધોરણ-૧૦માં અભ્યાસ કરે છે.

લાખો પરિવારોને ચિંતામુક્તિ:

વડાપ્રધાન શ્રી નરેન્દ્રભાઈ મોદીની આવી અનેકવિધ પહેલ અને યોજનાઓ, જેમાં ખાસ કરીને શાળા આરોગ્ય કાર્યક્રમ અને અન્ય કલ્યાણકારી યોજનાઓ થકી, ગંભીર રોગોથી પીડાતા લાખો બાળકોને નવજીવન પ્રાપ્ત થયું છે. આ યોજનાઓથી જરૂરિયાતમંદ પરિવારોને સારવારના મોંઘા ખર્ચની ચિંતામાંથી મુક્તિ મળી છે.

આવા લાખો પરિવારોની ખુશી અને સ્મીત જ ભારતમાં ચાલી રહેલા સુશાસનનું સાચું પ્રતીક છે.