ઔરંગાબાદ રેલવે સ્ટેશનનું નામ હવે બદલાશે- નવું નામ થશે

સરકારે બદલ્યું ૩૫ વર્ષ જૂના રેલવે સ્ટેશનનું નામ-ઔરંગાબાદ રેલવે સ્ટેશનનું નામ હવે છત્રપતિ સંભાજીનગર રેલવે સ્ટેશન હશે

• ઔરંગઝેબના વિશાળ લશ્કર સામે લડતા, છત્રપતિ સંભાજી તેમના ૫૦૦ સૈનિકો સાથે સંગમેશ્વર ખાતે રોકાયા હતા, જ્યાં એક બાતમીદારની સૂચના પર, મુકરબખાને ૩૦૦૦ મુઘલ સૈન્ય સાથે તેમને ઘેરી લીધા. સંઘર્ષ પછી, તેઓ અને તેમના મિત્ર કવિ કલશ મુઘલોના હાથમાં આવી ગયા હતા.

નવી દિલ્હી, મહારાષ્ટ્રના ઐતિહાસિક શહેર ઔરંગાબાદનું નામ બદલીને છત્રપતિ સંભાજીનગર કરવામાં આવ્યા પછી હવે રેલવે દ્વારા આ બદલાવને સત્તાવાર રીતે અમલમાં મૂકવામાં આવ્યો છે. મધ્ય રેલવે દ્વારા શનિવારે જાહેરાત કરવામાં આવી કે, ઔરંગાબાદ રેલવે સ્ટેશનનું નામ હવે છત્રપતિ સંભાજીનગર રેલવે સ્ટેશન હશે.

સ્ટેશનનો નવો કોડ નક્કી કરવામાં આવ્યો છે. મધ્ય રેલવે અનુસાર, આ સ્ટેશન દક્ષિણ મધ્ય રેલવેના નાંદેડ ડિવિઝન હેઠળ આવે છે. રેલવેના જણાવ્યા મુજબ, નામ બદલવાની સત્તાવાર પ્રક્રિયા પૂર્ણ થઈ ગઈ છે અને ટૂંક સમયમાં તમામ પ્લેટફોર્મ સૂચક, સમયપત્રક, ટિકિટિંગ સિસ્ટમ અને ડિજિટલ ડિસ્પ્લે બોર્ડ પર નવું નામ દેખાવા લાગશે. Aurangabad Railway station has now been officially renamed as Chhatrapati Sambhajinagar Railway station.

ભારતીય જનતા પાર્ટી (ભાજપ)ના નેતૃત્વવાળી મહાયુતિ સરકાર દ્વારા ૧૫ ઓક્ટોબરે આ સંદર્ભમાં ગજેટ સૂચના જારી કરવામાં આવી હતી. આ સાથે જ ઔરંગાબાદ સ્ટેશનનું નામ બદલવાની સત્તાવાર પ્રક્રિયા શરૂ કરવામાં આવી હતી.

આ નિર્ણય છત્રપતિ સંભાજી મહારાજની સ્મૃતિમાં લેવામાં આવ્યો છે, જે મરાઠા સામ્રાજ્યના બીજા છત્રપતિ હતા અને તેમની વીરતા માટે પ્રસિદ્ધ હતા. રાજ્ય સરકારે પહેલાથી જ ૨૦૨૨માં ઔરંગાબાદ શહેરનું નામ બદલવાની મંજૂરી આપી હતી, પરંતુ રેલવે સ્ટેશનોના નામ બદલવાની પ્રક્રિયામાં કેન્દ્રિય મંત્રાલયોની મંજૂરી અને અનેક વહીવટી ઔપચારિકતાઓ પૂર્ણ કરવી પડતી હતી. હવે આ પ્રક્રિયા પૂર્ણ થઈ ગઈ છે.

ઇતિહાસ અને મહત્વ-ઔરંગાબાદ રેલવે સ્ટેશનની શરૂઆત વર્ષ ૧૯૦૦માં થઈ હતી, જ્યારે હૈદરાબાદના સાતમા નિઝામ મીર ઉસ્માન અલી ખાનના શાસનકાળમાં અહીં રેલવે સેવા શરૂ કરવામાં આવી હતી. ત્યારથી આ સ્ટેશન મરાઠવાડા ક્ષેત્ર માટે એક મુખ્ય યાત્રિક કેન્દ્ર બની રહ્યું છે.

છત્રપતિ સંભાજીનગર આજે પણ એક લોકપ્રિય પર્યટન સ્થળ છે. આ યુનેસ્કો વિશ્વ ધરોહર સ્થળો અજંતા અને ઈલોરાની ગુફાઓ સાથે, બીબી કા મકબરા, દૌલતાબાદ કિલ્લો અને પંચક્કી જેવા ઐતિહાસિક સ્થળો માટે પ્રસિદ્ધ છે. નામ બદલ્યા પછી શહેર અને સ્ટેશન બંનેની ઓળખ હવે મરાઠા ગૌરવ સાથે વધુ મજબૂત થવા જઈ રહી છે.

રાજકીય અને સાંસ્કૃતિક સંદેશ-આ નામ બદલાવને સાંસ્કૃતિક ઓળખ સાથે જોડીને જોવામાં આવી રહ્યું છે. ભાજપ અને મહાયુતિ સરકાર તેને “ઇતિહાસને મરાઠા સન્માન સાથે જોડવા” દિશામાં મોટું પગલું ગણાવી રહી છે. જ્યારે વિપક્ષોનું કહેવું છે કે આવા બદલાવ પ્રતીકાત્મક છે અને સ્થાનિક વિકાસ પર વધુ ધ્યાન આપવું જોઈએ.

છત્રપતિ સંભાજી મહારાજ (સંભાજીરાજે ભોંસલે) મરાઠા સામ્રાજ્યના બીજા છત્રપતિ રાજા અને મહાન શાસક છત્રપતિ શિવાજી મહારાજના જ્યેષ્ઠ પુત્ર અને અનુગામી હતા. તેઓ એક કુશળ યોદ્ધા, લેખક અને વિચારક હતા.