બાહુબલી ધ એપિક’રી રીલીઝે ‘ટાઈટેનિક’ને પાછળ છોડી દીધી

ફિલ્મે બે દિવસમાં ૩૧.૪૦ કરોડની કમાણી કરી

‘ટાઇટેનિક’ને પાછળ છોડી દીધા પછી, આ ફિલ્મ હવે ‘યે જવાની હૈ દીવાની’ અને ‘ગિલ્લી’ને પાછળ છોડી દેવાની તૈયારીમાં છે

મુંબઈ,પ્રભાસની ફિલ્મ ‘બાહુબલી ધ એપિક’એ રીતસર તહેલકો મચાવી દીધો છે અને અત્યારે તો ‘ટાઈટેનિક’ને પાછળ છોડી દીધી છે;હવે ફિલ્મનું આગામી લક્ષ્ય યે જવાની હૈ દીવાની છે.‘બાહુબલી ધ એપિક’ એ બોક્સ ઓફિસ પર ભારે ધમાલ મચાવી દીધી છે. શરૂઆતના દિવસે મજબૂત કલેક્શન સાથે, ફિલ્મ પહેલાથી જ સૌથી વધુ કમાણી કરનારી રી-રિલીઝ ફિલ્મોની યાદીમાં ટોચ પર પહોંચી ગઈ છે.

હવે, તેનું આગામી લક્ષ્ય સૌથી વધુ કમાણી કરનારી રી-રિલીઝ ફિલ્મ બનવાનું લાગે છે.આજની કમાણીને ધ્યાનમાં લેતા, આ લક્ષ્ય દૂરનું લાગતું નથી. ફિલ્મે તેના ત્રણ દિવસના શરૂઆતના સપ્તાહના અંતે કેટલી કમાણી કરી તેનો સંપૂર્ણ ડેટા આ મુજબ છે. ઉપલબ્ધ ડેટા અનુસાર, ‘બાહુબલી ધ એપિક’ અત્યાર સુધી રિલીઝ થયેલી રી-રિલીઝમાં પાંચમી સૌથી વધુ કમાણી કરનારી ફિલ્મ બની છે.

એ સ્પષ્ટ છે કે ‘ટાઇટેનિક’ને પાછળ છોડી દીધા પછી, આ ફિલ્મ હવે ‘યે જવાની હૈ દીવાની’ અને ‘ગિલ્લી’ને પાછળ છોડી દેવાની તૈયારીમાં છે.માત્ર ભારતમાં જ નહીં પરંતુ વિશ્વભરના દર્શકો એસ.એસ. રાજામૌલીની ફિલ્મ ફરીથી જોવા માટે ઉત્સાહિત છે. સાયનિકના મતે, બે ફિલ્મોને જોડીને બનેલી આ ૩ કલાક, ૪૫ મિનિટની સંપાદિત ફિલ્મે બે દિવસમાં ૩૧.૪૦ કરોડની કમાણી કરી છે.ss1