યુપીના ફતેહપુરમાં વિવાદિત મકબરામાં પૂજા કરવા મહિલાઓ પહોંચી

૨૧ અજાણી મહિલાઓ સામે કેસ દાખલ

પોલીસના વારંવાર આગ્રહ છતાં મહિલાઓએ ના પાડી અને બળજબરીથી અંદર જવાનો પ્રયાસ કર્યાે

ફતેહપુર,ઉત્તર પ્રદેશના ફતેહપુરમાં કાર્તિક પૂર્ણિમાના દિવસે વિવાદિત મકબરા-મંદિર સ્થળ પર પૂજા કરવા ગયેલી મહિલાઓને પોલીસે અટકાવી હતી. મહિલાઓ અને પોલીસ અધિકારીઓ વચ્ચે ઉગ્ર અથડામણ થઈ હતી. મહિલાઓએ અભદ્ર વર્તન પણ કર્યું હતું અને પોલીસ સાથે ગાળો પણ બોલી હતી. પોલીસે આ મામલે ૨૧ અજાણી મહિલાઓ સામે કેસ દાખલ કર્યાે છે. આ સ્થળ ઘણાં સમયથી કોર્ટમાં વિચારણા હેઠળ છે. ભૂતકાળમાં આ અંગે હોબાળો થયો છે અને ભાજપ અને આરએસએસ સાથે સંકળાયેલા સ્થાનિક નેતાઓ પર પણ હુમલો કરવામાં આવ્યો છે.

અહેવાલો અનુસાર, વિવાદિત મકબરા-મંદિર સ્થળ કોર્ટમાં પેન્ડિંગ હોવા છતાં, કાર્તિક પૂર્ણિમાના શુભ પ્રસંગે, પપ્પુ સિંહ ચૌહાણની પત્નીના નેતૃત્વમાં આશરે ૨૦ મહિલાઓ અને યુવતીઓ પૂજા સામગ્રી લઈને વિવાદિત સ્થળ તરફ આગળ વધવા લાગી. શાંતિ અને સુરક્ષા જાળવવા માટે તૈનાત પોલીસ અધિકારીઓએ તેમને આગળ વધતા અટકાવ્યા. આનાથી મહિલાઓ ગુસ્સે થઈ ગઈ અને તેઓએ ફરજ પરના પોલીસ અધિકારીઓ સાથે દુર્વ્યવહાર કરવાનું શરૂ કર્યું. આનો એક વીડિયો સામે આવ્યો છે.

પોલીસના વારંવાર આગ્રહ છતાં મહિલાઓએ ના પાડી અને બળજબરીથી અંદર જવાનો પ્રયાસ કર્યાે. તેણે પોલીસ અધિકારીઓને ધક્કો પણ માર્યાે. આ ઉપરાંત તેણે ખોટા કેસોમાં ફસાવવાની ધમકી આપી. લાંબા સમય સુધી હોબાળો થયા પછી, મહિલાઓએ આખરે વિવાદિત સ્થળથી દૂર પૂજા અને આરતી કરી. બાદમાં હાજર પોલીસ અધિકારીઓએ તેમને સમજાવ્યા અને પાછા મોકલી દીધા.આ ઘટના બાદ પોલીસે તાત્કાલિક કાર્યવાહી કરી. આરોપી પપ્પુ સિંહ ચૌહાણની પત્ની સહિત ૨૧ અજાણી મહિલાઓ સામે ફરિયાદ દાખલ કરવામાં આવી હતી.

IPCની કલમ ૩૫૨,૧૨૧(૧) અને ૩૫૧(૨) હેઠળ કેસ નોંધવામાં આવ્યો હતો. પોલીસ હવે આગળની કાનૂની કાર્યવાહીમાં વ્યસ્ત છે. નોંધનીય છે કે પપ્પુ સિંહ પહેલાથી જ ૧૧મી ઓગસ્ટના રોજ થયેલા મકબરા-મંદિરના રમખાણોમાં આરોપી હતો. હવે, તેની પત્નીનું પણ આરોપી તરીકે નામ આપવામાં આવ્યું છે.ss1