ફિલ્મ ઉદ્યોગમાં જાતીય શોષણ અતિ સામાન્યઃ રેણુકા શહાણે

મુંબઈ, ૧૯૯૪ માં, સલમાન ખાનની ફિલ્મ “હમ આપકે હૈ કૌન” રિલીઝ થઈ હતી, જેમાં માધુરી દીક્ષિત અભિનીત હતી. ફિલ્મમાં સલમાન ખાનની ભાભી અને માધુરીની બહેનની ભૂમિકા ભજવનાર અભિનેત્રી રેણુકા શહાણેએ તાજેતરમાં એક ચોંકાવનારો ખુલાસો કર્યાે હતો. અભિનેત્રીએ નિર્માતાએ પોતાની સાથે કરેલા દુર્વ્યવહાર વિશે ખુલ્લેઆમ વાત કરી હતી.

રેણુકાએ શેર કર્યું હતું કે, કેવી રીતે ટોચની અભિનેત્રી હોવા છતાં અને એક પ્રખ્યાત ફિલ્મ પરિવારમાંથી આવતી હોવા છતાં, તેણીને પોતાની સલામતીની ચિંતા કરવી પડતી હતી.

અભિનેત્રી રેણુકા શહાણેએ પોતાનો અપ્રિય અનુભવ શેર કરતાં કહ્યું, “એક નિર્માતા મારા ઘરે આવ્યો અને ઓફર કરી. તેણે મને કહ્યું કે તે પરિણીત છે, પરંતુ તેણે મને એક મોટી સાડી કંપની માટે બ્રાન્ડ એમ્બેસેડરનું પદ ઓફર કર્યું અને તેની સાથે રહેવા માટે મને માસિક સ્ટાઇપેન્ડ ચૂકવવાનું વચન પણ આપ્યું. હું અને મારી માતા તો સ્તબ્ધ થઈ ગયા.રેણુકાએ વધુમાં સમજાવ્યું કે તેણીએ ઓફરનો ઇનકાર કર્યાે હતો, ત્યારબાદ નિર્માતાએ બીજી અભિનેત્રીનો સંપર્ક કર્યાે.

અભિનેત્રીએ સમજાવ્યું કે આ દરેક માટે સરળ નથી, કારણ કે ઉદ્યોગમાં એવી શક્તિશાળી શક્તિઓ છે જે તમારા માટે વસ્તુઓ મુશ્કેલ બનાવી શકે છે. તેણીએ કહ્યું, “ક્યારેક, જ્યારે તમે કોઈની ઓફરનો ઇનકાર કરો છો, ત્યારે તેઓ બદલો લેવા પાછા આવે છે અને બીજાઓને કહે છે કે તમને નોકરી પર ન રાખો. તે જ ખતરો છે.મારી સાથે આવું બન્યું નથી, પરંતુ તે થઈ શકે છે.

અને જ્યારે તમે તેમની વિરુદ્ધ ફરિયાદ કરો છો, ત્યારે તમારી વિરુદ્ધ કાર્યવાહી કરવામાં આવે છે. ક્યારેક તમને તમારા કામ માટે પગાર પણ મળતો નથી. તે એક ક્લબ છે જે પીડિતાને વધુ હેરાન કરવા માટે સાથે મળીને કામ કરે છે.

રેણુકાએ ઉદ્યોગના કાળા સત્ય વિશે વાત કરતા સમજાવ્યું કે ઈં મી ટુની અસર નોંધપાત્ર રીતે ઓછી થઈ ગઈ છે. તેણીએ કહ્યું, “સમસ્યા એ છે કે આ ચળવળ પછી, આરોપીઓ ૫-૬ વર્ષ પછી બધું ભૂલી જાય છે અને ખૂબ સારી રીતે પોતાનું કામ કરે છે. અને જો તમે કોઈ પર આરોપ લગાવો છો અને પોલીસ કેસ જેવો કોઈ બેકઅપ નથી, તો લોકો તમને આરોપો સાબિત ન કરવા બદલ પૂછપરછ કરે છે.SS1Ms