ખારીકટ કેનાલ ફેઝ 2 માં બાકીની કેનાલ ડેવલપ કરવા માટેનું ટેન્ડર મંજુર

અમદાવાદ, અમદાવાદનાં પૂર્વ વિસ્તારમાં વરસાદી પાણીનો નિકાલ કરતા વહેળા પર સિંચાઈ વિભાગ દ્વારા આશરે ૧૩૮ વર્ષ પૂર્વે નિર્મિત ખારીકટ નહેર એક સમયે અમદાવાદની સૌથી મોટી કચરાપેટી બની ગઈ હતી.

શહેરના ત્રણ ઝોનમાંથી પસાર થતી આ કેનાલ ને ડેવલપ કરવા માટે રાજ્ય સરકાર તરફથી મનપાને સૂચના આપવામાં આવી હતી સાથે સાથે  ગ્રાન્ટ પણ આપવામાં આવી છે. જેના કારણે કેનાલ ડેવલપમેન્ટ ના પ્રથમ ફેઝ નું 80 ટકા કામ લગભગ પૂર્ણ થઈ ગયું છે. તેથી હવે, ફેઝ 2 માં બાકી ની કેનાલ ડેવલપ કરવા માટે રૂ. નું ટેન્ડર મંજુર કરવામાં આવ્યું છે.

મ્યુનિસિપલ વોટર સપ્લાય કમીટી ચેરમેન દિલીપ બગડીયા ના જણાવ્યા મુજબ પ્રથમ તબક્કાની કામગીરીમાં સામેલ લંબાઈ બાદ બાકી રહેતી લંબાઈ (૧) એસ.પી.રીંગ રોડથી મુઠીયા ડ્રેઈન થઈ નરોડા મુક્તિધામ સુધી, (૨) વિંઝોલ વહેળા થી ઘોડાસર આવકાર હોલ થઈ વટવા ગામ થઈ એસ.પી.રીંગ રોડ સુધી તથા

(૩) વટવા ગામ થી રોપડા તળાવ થઈ ખારીનદી સુધીનાં એક્ષટેન્શન સાથે કુલ મળી આશરે ૨૨.૪૧૫ કી.મી. લંબાઈની હયાત પથરેખામાં ખુલ્લી કેનાલનાં સ્થાને ઉપલબ્ધ પહોળાઈ મુજબ અમુક હિસ્સામાં આર.સી.સી. સ્ટોર્મ વોટર બોક્ષ સહિત કેનાલ બોક્ષ સ્ટ્રક્ચર, અમુક હિસ્સામાં માત્ર કેનાલ બોક્ષ સ્ટ્રક્ચર અને અમુક હિસ્સામાં માત્ર સ્ટોર્મ વોટર કેનાલ બોક્ષ સ્ટ્રક્ચરની જોગવાઈ સાથે આર.સી.સી. બોક્ષ સ્ટ્રક્ચરનું બાંધકામ કરી તેનાં પરથી રસ્તાનું નિર્માણ કરવાની કામગીરીનું આયોજન કરવામાં આવેલ છે.

જેનો ડિઝાઈન કન્સલ્ટન્ટશ્રી મલ્ટીમીડીયા કન્સલ્ટન્ટસ્ પ્રા.લી. દ્વારા કુલ રકમ રૂ.૧૦૦૩.૦૮ કરોડનાં બ્લોક એસ્ટીમેટ સાથેનો તૈયાર કરી રજુ કરેલ ડી.પી.આર.ની સક્ષમસત્તાની મંજુરી મેળવી તા:૨૮/૧૧/૨૦૨૪નાં પત્રથી રાજ્ય સરકારશ્રીનાં જુદા જુદા વિભાગે મંજુરી અર્થે રજુ કરવામાં આવેલ.