અમેરિકાની ટેરિફનું દબાણ છતાં જીડીપી ૮.૨% વધ્યો
છેલ્લા ૬ ક્વાર્ટરમાં સૌથી મોટો ઉછાળો
નવી દિલ્હી, નાણાકીય વર્ષ ૨૦૨૫-૨૬ના બીજા ક્વાર્ટરમાં (જુલાઈ-સપ્ટેમ્બર) ભારતનો જીડીપી ગ્રોથ ૮.૨% થયો છે. આ છેલ્લા ૬ ક્વાર્ટરમાં સૌથી વધુ છે. ગયા વર્ષના જુલાઈ-સપ્ટેમ્બર ક્વાર્ટરમાં તે ૫.૬% હતો.
જ્યારે, આ વર્ષે અગાઉના ક્વાર્ટરમાં એટલે કે એપ્રિલ-જૂનમાં જીડીપી ગ્રોથ ૭.૮% રહ્યો હતો. મેન્યુફેક્ચરિંગ સેક્ટરના સારા પ્રદર્શનને કારણે જીડીપીમાં આ ઉછાળો આવ્યો છે. આ આંકડા સરકારે ૨૮ નવેમ્બરે જાહેર કર્યા છે.
૧ ઓક્ટોબરના રોજ રિઝર્વ બેંકએ મોનેટરી પોલિસી મીટિંગમાં એફવાય૨૬ માટે ઇકોનોમી ગ્રોથનો અંદાજ ૬.૫%થી વધારીને ૬.૮% કર્યો. આ અનુકૂળ વાતાવરણ, સરકાર અને રિઝર્વ બેંકની સહાયક નીતિઓ સાથે, ભારતીય અર્થતંત્ર માટે નજીકના ભવિષ્યમાં સારો સંકેત આપે છે. ભલે ગ્લોબલ ટ્રેડના પડકારો યથાવત છે, પરંતુ ભૂ-રાજકીય અનિશ્ચિતતાઓ અમુક અંશે ઓછી થઈ છે.
ઇકોનોમીના સ્વાસ્થ્યને ટ્રેક કરવા માટે જીડીપીનો ઉપયોગ થાય છે. તે દેશની અંદર એક નિશ્ચિત સમયમાં તમામ ગુડ્સ અને સર્વિસના મૂલ્યને દર્શાવે છે. તેમાં દેશની સીમાની અંદર રહીને જે વિદેશી કંપનીઓ ઉત્પાદન કરે છે, તેમને પણ સામેલ કરવામાં આવે છે.
જીડીપી બે પ્રકારની હોય છે. રિયલ જીડીપી અને નોમિનલ જીડીપી. રિયલ જીડીપીમાં ગુડ્સ અને સર્વિસની વેલ્યુનું કેલ્ક્યુલેશન બેઝ યરની વેલ્યુ અથવા સ્થિર ભાવ પર કરવામાં આવે છે. હાલમાં ય્ડ્ઢઁની ગણતરી કરવા માટે બેઝ યર ૨૦૧૧-૧૨ છે. જ્યારે નોમિનલ ય્ડ્ઢઁ નું કેલ્ક્યુલેશન કરંટ પ્રાઇસ પર કરવામાં આવે છે.
જીડીપીની ગણતરી કરવા માટે એક ફોર્મ્યુલાનો ઉપયોગ કરવામાં આવે છે. સરકારે એક સત્તાવાર નિવેદનમાં જણાવ્યું કે, ‘ઓક્ટોબર ૨૦૨૫ માટે આઈઆઈપી ૨૮ નવેમ્બર, ૨૦૨૫ ના રોજ જાહેર થવાનું હતું. ૨૦૨૫-૨૬ ના બીજા ક્વાર્ટર (જુલાઈ-સપ્ટેમ્બર) માટે જીડીપીના ત્રિમાસિક અંદાજ આઈઆઈપી પ્રકાશન સાથે પ્રકાશિત થવાના હોવાથી ઓક્ટોબર ૨૦૨૫ માટે આઈઆઈપી ના પ્રકાશનની તારીખમાં ફેરફાર કરવામાં આવ્યો છે.’ હવે આ ડેટા ૧ ડિસેમ્બર, ૨૦૨૫ ના રોજ સાંજે ૪ઃ૦૦ વાગ્યે જાહેર કરવામાં આવશે.
