કેન્દ્રીય ગૃહમંત્રાલયે લદ્દાખના ગવર્નર પાસેથી નાણાકીય સત્તાઓ કેમ છીનવી લેવાઈ?

કેન્દ્રીય ગૃહમંત્રાલયે લેફ્ટનન્ટ ગવર્નરની સાથે સાથે વહીવટી સચિવ, ચીફ એન્જિનિયર, ડેપ્યુટી કમિશનર, સુપ્રિટેન્ડેન્ટ એન્જિનિયર સહિતના ડિપાર્ટમેન્ટ હેડનો પણ પાવર છિનવી લીધો છે.

(એજન્સી)નવી દિલ્હી, કેન્દ્રીય ગૃહમંત્રાલયે એક મહત્ત્વનો નિર્ણય લઈને લદ્દાખના લેફ્ટનન્ટ ગવર્નર પાસેથી મોટો પાવર છિનવી લીધો છે. ગૃહમંત્રાલયે લેફ્ટનન્ટ ગવર્નરની સાથે સાથે વહીવટી સચિવ, ચીફ એન્જિનિયર, ડેપ્યુટી કમિશનર, સુપ્રિટેન્ડેન્ટ એન્જિનિયર સહિતના ડિપાર્ટમેન્ટ હેડનો પણ પાવર છિનવી લીધો છે.

હવે આ પાવર ગૃહમંત્રાલય પાસે રહેશે. ગૃહમંત્રાલયના નિર્ણય મુજબ, અત્યાર સુધી લદ્દાખના લેફ્ટનન્ટ ગવર્નર પાસે ૧૦૦ કરોડ રૂપિયા સુધીની યોજના અને પ્રોજેક્ટને મંજૂરી આપવાની સત્તા હતી, જોકે હવે મંત્રાલયે આ સત્તા ગવર્નર પાસેથી છિનવી પોતાની પાસે રાખી લીધી છે. આવી જ રીતે વહિવટી સચિવ પાસે અત્યાર સુધી ૨૦ કરોડ રૂપિયા સુધીના પ્રોજેક્ટને મંજૂરી આપવાની સત્તા હતી.

Ministry of Home Affairs takes away @lg_ladakh ’s major financial powers. What is the use of having an HLG in Ladakh, only to attend small events? Your financial powers have now been transferred to @PMOIndia , and all files will be sent to MHA for approval. All is not well in Ladakh.

આ ઉપરાંત ચીફ એન્જિનિયર, ડેપ્યુટી કમિશનર, સુપ્રિટેન્ડેન્ટ એન્જિનિયર સહિતના ડિપાર્ટમેન્ટ હેડ પાસે ત્રણ કરોડથી ૧૦ કરોડ રૂપિયા સુધીના જુદા જુદા કામોને મંજૂરી આપવાની સત્તા હતી, જે હવે સત્તા છિનવી લેવાઈ છે અને હવે આ સત્તા ગૃહમંત્રાલયે લઈ લીધી છે. કેન્દ્રીય ગૃહમંત્રાલયનો નિર્દેશ મળ્યા બાદ લદ્દાખના લેફ્ટનન્ટ ગવર્નર કવિંદર ગુપ્તાએ એક ઓર્ડર જાહેર કર્યો છે.

ઓર્ડરમાં કહેવાયું છે કે, પબ્લિક પ્રાઈવેટ પાર્ટનરશીપ નિયમ હેઠળ ૧૦૦ કરોડ રૂપિયા સુધીની યોજના-પ્રોજેક્ટને હવે ગૃહમંત્રાલય મંજૂરી આપશે. લેફ્ટનન્ટ ગવર્નર પાસેથી ૧૦૦ કરોડ રૂપિયાના વહીવટી મંજૂરી અને ખર્ચનો પાવર તેમજ વહિવટી સેક્રેટરી પાસેથી ૨૦ કરોડ રૂપિયા સુધીની મંજૂરી આપવાનો પાવર છિનવી લેવાયો છે,

એટલે કે હવે ગૃહમંત્રાલય આ મંજૂરી આપશે. સૌથી મહત્વનો ફેરફાર એ છે કે, ડેવલપમેન્ટ ડિપાર્ટમેન્ટના વડાઓ અને ડેપ્યુટી કમિશનરોની પાંચ કરોડ રૂપિયા સુધીના વિવિધ કામોને મંજૂરી આપવાની જે સત્તા હતી, તે હવે પાછી ખેંચી લેવામાં આવી છે અને ગૃહમંત્રાલયને સોંપી દેવાઈ છે.