બ્રિટનમાં હરિયાણાના વિદ્યાર્થીનીની ચાકૂના ઘા મારીને કરપીણ હત્યા

લંડન, મધ્ય ઇંગ્લેન્ડના વાર્સેસ્ટર શહેરમાં એક ચોંકાવનારી ઘટના સામે આવી છે, જ્યાં રસ્તા પર થયેલા હુમલા દરમિયાન એક ૩૦ વર્ષીય ભારતીય વિદ્યાર્થીને છરી મારવામાં આવી હતી. ગંભીર ઈજાઓને કારણે તેનું બાદમાં હોસ્પિટલમાં મૃત્યુ થયું હતું. મૃતકની ઓળખ હરિયાણાના ચરખી દાદરી જિલ્લાના વિજય કુમાર શ્યોરાણ તરીકે થઈ છે.

વેસ્ટ મર્સિયા પોલીસે શુક્રવારે આ સપ્તાહની શરૂઆતમાં થયેલા આ હુમલાના કોઈપણ સાક્ષીઓને આગળ આવીને માહિતી આપવા અપીલ કરી છે. પોલીસના એક નિવેદન મુજબ, “મંગળવારની સવારે (૨૫ નવેમ્બર) લગભગ ૪ઃ૧૫ વાગ્યે વાર્સેસ્ટરના બાર્બાેર્ન રોડ પર અધિકારીઓને ૩૦ વર્ષીય એક વ્યક્તિ ગંભીર ઈજાઓ સાથે મળ્યો હતો. તેને તાત્કાલિક હોસ્પિટલ લઈ જવામાં આવ્યો, પરંતુ દુઃખદ રીતે તે જ દિવસે બાદમાં તેનું મૃત્યુ થયું.

”પોલીસે આ કેસમાં હત્યાના સંદેહમાં પાંચ લોકોની ધરપકડ કરી છે અને હાલમાં તપાસ ચાલુ હોવાથી તેઓ જામીન પર મુક્ત છે. એક છઠ્ઠા વ્યક્તિની પણ હત્યાના સંદેહમાં ધરપકડ કરવામાં આવી હતી, પરંતુ તેની સામે આગળ કોઈ કાર્યવાહી કરવામાં આવી નથી.વેસ્ટ મર્સિયાના ડિટેક્ટિવ ચીફ ઇન્સ્પેક્ટર લી હોલહાઉસે જણાવ્યું હતું કે પોલીસ દળની સંવેદનાઓ મૃતકના પરિવાર અને મિત્રોની સાથે છે.

તેમણે આ ઘટનાના સંબંધમાં લોકોને માહિતી આપવા માટે અપીલ કરી છે. હોલહાઉસે કહ્યું, “છેલ્લા કેટલાક દિવસોથી મારી ટીમ એ જાણવા માટે વ્યાપક સ્તરે તપાસ કરી રહી છે કે મંગળવારની સવારે શું થયું અને કયા કારણે એક વ્યક્તિએ પોતાનો જીવ ગુમાવવો પડ્યો.

આ તપાસના ભાગરૂપે, અધિકારીઓ વિકેન્ડ દરમિયાન બાર્બાેર્ન રોડ પર જ રહેશે. હું સમુદાયને આશ્વાસન આપવા માંગુ છું કે પુરાવા એકત્રિત કરવાનું ચાલુ રહેશે અને જનતાએ ચિંતિત થવાની જરૂર નથી.”ભારતમાંથી મળેલા અહેવાલો મુજબ, મૃતક વિદ્યાર્થી વિજય કુમાર શ્યોરાણ અભ્યાસ અર્થે અહીં આવ્યો હતો. બ્રિટિશ પોલીસે હાલમાં તેમની ઔપચારિક ઓળખ જાહેર કરી નથી, પરંતુ ભારતીય અહેવાલોએ તેમના નામની પુષ્ટિ કરી છે.SS1MS