ભારતના આ ૬ રાજ્યોમાં કોલ્ડવેવનું એલર્ટ

એમપીના ૬ જિલ્લામાં પારો ૧૦ ડિગ્રીની નીચે; તમિલનાડુ-પુડુચેરીમાં ભારે વરસાદ

(એજન્સી)નવી દિલ્હી, આ શિયાળાની ઋતુ (ડિસેમ્બરથી ફેબ્રુઆરી) દરમિયાન, મધ્યપ્રદેશ, ઉત્તર પ્રદેશ, રાજસ્થાન, હરિયાણા, પંજાબ અને મહારાષ્ટ્રમાં ઠંડીનો પ્રકોપ સામાન્ય કરતાં વધુ લાંબો સમય રહી શકે છે. હવામાન વિભાગના જણાવ્યા અનુસાર, આ રાજ્યોમાં સામાન્ય રીતે કોલ્ડવેવ ૪-૬ દિવસ સુધી રહે છે, જે આ વખતે ૧૦ દિવસ સુધી લંબાઈ શકે છે.

મધ્યપ્રદેશમાં ૫-૬ ડિસેમ્બરથી તીવ્ર ઠંડી શરૂ થશે. કોલ્ડવેવ પણ શરૂ રહેશે. મંગળવારથી રાત્રિના તાપમાનમાં ૨ થી ૩ ડિગ્રીનો ઘટાડો થવાની ધારણા છે. ગઈકાલે રાત્રે ભોપાલ અને ઇન્દોર સહિત રાજ્યના ૬ જિલ્લાઓમાં તાપમાન ૧૦ ડિગ્રીથી નીચે ગબડી ગયું હતું.

રાજસ્થાનમાં ડિસેમ્બરથી ફેબ્રુઆરી દરમિયાન ભારે શિયાળો રહેવાની ધારણા છે. આ દરમિયાન, કોલ્ડવેવના દિવસો સામાન્ય કરતા વધુ રહેવાની અને લઘુત્તમ તાપમાન સામાન્ય કરતા ઓછું રહેવાની ધારણા છે. દરમિયાન, ચુરુ, ઝુનઝુનુ અને સીકરમાં ૩ થી ૫ ડિસેમ્બર દરમિયાન ઠંડીનું જોખમ રહેલું છે.

બીજી તરફ, ચક્રવાત દિતવાહની અસરને કારણે, તમિલનાડુ અને પુડુચેરીના દરિયાકાંઠાના વિસ્તારોમાં ભારે વરસાદ ચાલુ છે. હવામાન વિભાગના જણાવ્યા અનુસાર, વાવાઝોડું નબળું પડી ગયું છે. આ દરમિયાન, સોમવારે વરસાદને કારણે ચેન્નાઈ એરપોર્ટ પર ૧૦ ફ્‌લાઇટ્‌સ રદ કરવામાં આવી હતી. ઘણા વિસ્તારોમાં પાણી ભરાઈ ગયા હતા. વરસાદની અસર આજે પણ ચાલુ રહેશે. મધ્ય પ્રદેશમાં ૫-૬ ડિસેમ્બરથી કડકડતી ઠંડી શરૂ થશે. ત્યાં કોલ્ડવેવ પણ રહેશે.

હવામાન વિભાગ મુજબ, ૫ ડિસેમ્બરથી હિમાલયના વિસ્તારોમાં નવું વેસ્ટર્ન ડિસ્ટર્બન્સ બની રહ્યું છે. તેનાથી હિમવર્ષા થવાનું એલર્ટ છે અને પછી બર્ફીલા પવનોની અસર સ્ઁમાં જોવા મળશે. મંગળવારથી રાત્રિના તાપમાનમાં ૨ થી ૩ ડિગ્રીનો ઘટાડો થવાની સંભાવના છે. આ પહેલા ગઈ રાત્રે ભોપાલ, ઇન્દોર સહિત રાજ્યના ૬ જિલ્લામાં તાપમાન ૧૦ ડિગ્રીથી નીચે રહ્યું હતું. રાજસ્થાનમાં આ વખતે ડિસેમ્બરથી ફેબ્રુઆરી સુધી કડકડતી ઠંડી પડવાનો અંદાજ છે.

આ દરમિયાન શીતલહેરના દિવસો સામાન્ય કરતાં વધુ રહેવા અને લઘુત્તમ તાપમાન પણ સામાન્ય કરતાં નીચે રહેવાનું એલર્ટ છે. ઉત્તર રાજસ્થાનની સાથે પૂર્વ અને દક્ષિણ-પૂર્વ રાજસ્થાનના વિસ્તારોમાં તીવ્ર ઠંડીની અસર જોવા મળશે, જ્યારે પશ્ચિમ રાજસ્થાનના વિસ્તારોમાં ઠંડી સામાન્ય રહેવાનો અંદાજ છે.

જ્યારે ચુરુ, ઝુનઝુનુ અને સીકરમાં ૩-૫ ડિસેમ્બર સુધી કોલ્ડવેવ રહેવાનું યલો એલર્ટ છે. ઉત્તરાખંડમાં મંગળવારે પહાડી વિસ્તારોમાં હિમવર્ષા થઈ છે, જેના કારણે ઠંડી વધી ગઈ છે. રાજ્યના ૪ ધામોમાં તાપમાન માઈનસ ૧૨ ડિગ્રીથી પણ નીચે ગયું છે.