મુંબઈમાં બસનો અકસ્માત: બેસ્ટ બસે કાળ બની રાહદારીઓને અડફેટે લીધા, 4 ના મોત
મુંબઈ, 30 ડિસેમ્બર, મહારાષ્ટ્રના મુખ્યમંત્રી દેવેન્દ્ર ફડણવીસે ભંડુપ બસ અકસ્માતમાં જીવ ગુમાવનારાઓના પરિવારોને 5 લાખ રૂપિયાની આર્થિક સહાયની જાહેરાત કરી છે. સોમવારે રાત્રે ઉત્તર-પૂર્વ મુંબઈના ભંડુપ વેસ્ટમાં સ્ટેશન રોડ પર એક બેસ્ટ (BEST – BrihanMumbai Electric Supply and Transport) બસે રાહદારીઓને કચડી નાખતા ઓછામાં ઓછા ચાર લોકોના મોત થયા હતા અને અન્ય નવ લોકો ઘાયલ થયા હતા.
પોલીસના જણાવ્યા અનુસાર, બેસ્ટ બસ રિવર્સ લેતી વખતે નિયંત્રણ ગુમાવી બેઠી હતી અને નજીકમાં ઉભેલા રાહદારીઓ સાથે અથડાઈ હતી.
મૃત્યુ પામેલા ચાર લોકોમાં ત્રણ મહિલાઓનો સમાવેશ થાય છે, જ્યારે નવ લોકો ઘાયલ થતા તેમને સારવાર માટે નજીકની હોસ્પિટલમાં ખસેડવામાં આવ્યા છે. મૃતકોની ઓળખ પ્રણીતા સંદીપ રસમ (35), વર્ષા સાવંત (25), માનસી મેઘશ્યામ ગુરવ (49) અને પ્રશાંત શિંદે (53) તરીકે થઈ છે.
બસ ડ્રાઈવર સંતોષ રમેશ સાવંત (52) ને કસ્ટડીમાં લેવામાં આવ્યો છે અને તેની સામે FIR નોંધવાની પ્રક્રિયા ચાલી રહી છે. આ અકસ્માત ભંડુપ ઉપનગરીય રેલ્વે સ્ટેશનની બિલકુલ બહાર આવેલા વ્યસ્ત વિસ્તારમાં થયો હતો, જ્યાં લોકો અવારનવાર બસની રાહ જોતા ઉભા હોય છે.
ઘટનાસ્થળે હાજર પ્રત્યક્ષદર્શીઓએ જણાવ્યું હતું કે, બસ રસ્તો ફંટાય અને રાહદારીઓને ટક્કર મારે તે પહેલા તેની ઝડપ વધુ જણાતી હતી. પોલીસે જણાવ્યું હતું કે તપાસના ભાગરૂપે આ દાવાઓની ચકાસણી કરવામાં આવી રહી છે. ભંડુપ બેસ્ટ બસ અકસ્માતે અનિવાર્યપણે કુર્લા બસ દુર્ઘટનાની યાદો તાજી કરી છે જેમાં નવ લોકોના મોત થયા હતા.
નિષ્ણાતોએ ધ્યાન દોર્યું હતું કે જ્યાં સુધી બસ સ્ટોપની નવેસરથી ડિઝાઇન કરવામાં નહીં આવે, ફૂટપાથ ખાલી કરવામાં નહીં આવે અને ટ્રાફિકની અવરજવરને વધુ સારી રીતે નિયંત્રિત કરવામાં નહીં આવે, ત્યાં સુધી ભંડુપ અને કુર્લા જેવા અકસ્માતોનું જોખમ વારંવાર તોળાતું રહેશે.
Mumbai, Maharashtra: DCP Hemraj Singh Rajput says, “At approximately 9:35 PM Monday 29-12-2025, a bus accident occurred near Bhandup West Railway Station. The bus ran over pedestrians and moved ahead, resulting in the death of four people and injuries to around 9–10 others. Among the deceased, three are women and one is a man. Among the injured, there are eight men and one woman. The bus driver is currently in police custody and is part of the ongoing investigation…”
