ભારતીય અર્થતંત્રમાં તેજી: Bank of America એ ભારતનો GDP વૃદ્ધિ દરનો અંદાજ વધારીને 7.6% કર્યો

નવી દિલ્હી: મજબૂત નીતિગત સુધારાઓ અને વપરાશમાં થયેલા વધારાને કારણે ભારતીય અર્થતંત્ર સતત મજબૂત બની રહ્યું છે. આ સ્થિતિને જોતા વૈશ્વિક બ્રોકરેજ ફર્મ બેંક ઓફ અમેરિકા (BofA) એ ચાલુ નાણાકીય વર્ષ (FY26) માટે ભારતના જીડીપી (GDP) વૃદ્ધિ દરના અંદાજમાં વધારો કર્યો છે. બેંક ઓફ અમેરિકાએ અગાઉના 7 ટકાના અંદાજને વધારીને હવે 7.6 ટકા કર્યો છે.

ભવિષ્યના અંદાજોમાં પણ સુધારો માત્ર ચાલુ વર્ષ જ નહીં, પરંતુ આગામી નાણાકીય વર્ષ 2027 માટે પણ બેંકે ભારતના વિકાસ દરનો અંદાજ 6.5 ટકાથી વધારીને 6.8 ટકા કર્યો છે. બ્રોકરેજ ફર્મના જણાવ્યા અનુસાર, 2025ના અંતમાં આર્થિક પ્રવૃત્તિઓમાં થયેલા વ્યાપક સુધારા અને નવા ડેટાને જોતા આ વધારો જરૂરી જણાય છે.

વિકાસના મુખ્ય કારણો:

1. RBI અને સરકારી નીતિઓ: રિઝર્વ બેંક ઓફ ઈન્ડિયા (RBI) એ ગવર્નર સંજય મલ્હોત્રાના નેતૃત્વમાં 2025માં વ્યાજદરમાં અનેકવાર ઘટાડો કર્યો છે, જેનાથી અર્થતંત્રને વેગ મળ્યો છે. RBIએ પણ પોતાનો વૃદ્ધિ દરનો અંદાજ વધારીને 3 ટકા કર્યો છે.
2. વપરાશ અને રોકાણમાં વધારો: દેશમાં ઈંધણનો વપરાશ, ઓટો વેચાણ અને ધિરાણ વૃદ્ધિ (Credit Growth) જેવા સંકેતોમાં નવેમ્બર અને ડિસેમ્બર દરમિયાન નોંધપાત્ર તેજી જોવા મળી છે.
3. મજબૂત ત્રિમાસિક દેખાવ: બીજા ત્રિમાસિક ગાળામાં અપેક્ષા કરતા વધુ 2 ટકાનો વિકાસ દર નોંધાતા આર્થિક દૃષ્ટિકોણમાં મોટો સુધારો થયો છે.

નવી GDP શ્રેણી ટૂંક સમયમાં સરકાર ટૂંક સમયમાં જીડીપી અને ફુગાવાની નવી શ્રેણી (New Series) રજૂ કરવા જઈ રહી છે. ફેબ્રુઆરીમાં રિવાઈઝ્ડ નેશનલ એકાઉન્ટ્સ શ્રેણી જાહેર થશે, જેમાં 2022-23 થી 2024-25 સુધીના ડેટાનો પણ સમાવેશ કરવામાં આવશે. જોકે, સરકારને આ નવી શ્રેણી બાદ જીડીપી અંદાજોમાં કોઈ મોટો ફેરફાર થવાની અપેક્ષા નથી.

આમ, મજબૂત નાણાકીય સ્થિતિ અને સરકારના સક્રિય પગલાંને કારણે ભારત વિશ્વના સૌથી ઝડપથી વિકસતા અર્થતંત્રોમાં પોતાનું સ્થાન જાળવી રાખવા સજ્જ છે.