ટ્રમ્પના ભારત પર 500 ટકા ટેરિફની અસર સીધી શેરબજાર પર પડી

નિફ્ટી રિયલ્ટી અને મીડિયા સૌથી વધુ ઘટ્યા-૫૦૦ ટકા ટેરિફની ધમકી બાદ સેન્સેક્સમાં ગુરૂવારે ૭૮૦ પોઇન્ટનો કડાકો-શુક્રવારે 400 પોઈન્ટ નીચે 

અમેરિકામાં ભારતીય પ્રોડક્ટ્‌સના ભાવ આસમાને પહોંચી જશે. જેના કારણે ભારતથી એક્સપોર્ટ કરતાં વેપારીઓને મોટા નુકસાનની આશંકા છે.

(એજન્સી)મુંબઈ, મુંબઈ, 9 જાન્યુઆરી (IANS): વધતા જતા ભૌગોલિક રાજકીય તણાવ અને ‘રશિયા સેન્ક્શનિંગ એક્ટ’ની જોગવાઈઓ હેઠળ ભારતીય વસ્તુઓ પર 500 ટકા યુએસ ટેરિફ (જકાત)ના નવા જોખમો વચ્ચે શુક્રવારે વહેલી સવારે ભારતીય શેરબજારના સૂચકાંકોમાં સામાન્ય ઘટાડો જોવા મળ્યો હતો. The US is now threatening 500% tariff!

સવારે 9.29 વાગ્યા સુધીમાં, સેન્સેક્સ (Sensex) 107 પોઈન્ટ અથવા 0.13 ટકા ઘટીને 84,073 પર અને નિફ્ટી (Nifty) 26 પોઈન્ટ અથવા 0.10 ટકા ઘટીને 26,850 પર ટ્રેડ થઈ રહ્યો હતો.

મુખ્ય સૂચકાંકોની સરખામણીમાં બ્રોડ કેપ ઇન્ડાઇસિસમાં વધુ ઘટાડો જોવા મળ્યો હતો, જેમાં નિફ્ટી મિડકેપ 100માં 0.29 ટકાનો ઘટાડો થયો હતો, જ્યારે નિફ્ટી સ્મોલકેપ 100માં 0.84 ટકાનો ઘટાડો નોંધાયો હતો.

નિફ્ટી પેકમાં ONGC અને ભારત ઈલેક્ટ્રોનિક્સ ટોપ ગેનર્સ (વધનારા શેર)માં રહ્યા હતા. નિફ્ટી રિયલ્ટી અને મીડિયા સૌથી વધુ ઘટ્યા હતા, જેમાં અનુક્રમે 2.14 ટકા અને 1.34 ટકાનો ઘટાડો થયો હતો. આઈટી (IT) અને પીએસયુ બેંક (PSU Bank) સિવાયના તમામ સેક્ટરના સૂચકાંકો લાલ નિશાનમાં ટ્રેડ થઈ રહ્યા હતા.

બજારના નિષ્ણાતોના મતે, બજાર માટે તાત્કાલિક સપોર્ટ (Support) 25,700–25,750 ના ઝોનમાં છે, જ્યારે રેઝિસ્ટન્સ (Resistance) 26,150–26,200 ના ઝોનમાં જોવા મળી રહ્યો છે.

વિશ્લેષકોએ જણાવ્યું હતું કે, યુએસ પ્રમુખ ડોનાલ્ડ ટ્રમ્પ દ્વારા મંજૂર કરાયેલા ‘રશિયા સેન્ક્શનિંગ એક્ટ’ની જોગવાઈઓ હેઠળ ભારત પર લગભગ 500 ટકા ટેરિફની શક્યતાને કારણે ગુરુવારે બજારમાં મોટો કડાકો બોલાયો હતો. હવે બજારની નજર આ ટ્રમ્પ ટેરિફની કાયદેસરતા પર યુએસ સુપ્રીમ કોર્ટ દ્વારા આવનારા સંભવિત ચુકાદા પર રહેશે.

ગુરુવારે, નિફ્ટીમાં સતત ચોથા સત્રમાં ઘટાડો જોવા મળ્યો હતો, જેમાં તે 263 પોઈન્ટ ઘટીને 25,876 પર બંધ રહ્યો હતો.

બીજી તરફ, એશિયા-પેસિફિક બજારો સવારના સત્રમાં મિશ્ર વલણ સાથે ટ્રેડ થઈ રહ્યા હતા, કારણ કે રોકાણકારો ચીનના ફુગાવાના (Inflation) ડેટાનું વિશ્લેષણ કરી રહ્યા હતા. ચીનમાં ફુગાવો ડિસેમ્બરમાં છેલ્લા ત્રણ વર્ષમાં સૌથી ઝડપી ગતિએ વધ્યો છે.

ગુરુવારે સેન્સેક્સમાં ૭૮૦ પોઇન્ટનો કડાકો થયો. જ્યારે નિફ્ટીમાં ૨૬૩ પોઇન્ટનો ઘટાડો જોવા મળ્યો. ગુરુવારે બપોરે સેન્સેક્સ ૮૪,૧૮૦.૯૬ પોઇન્ટ જ્યારે નિફ્ટી ૨૫,૮૭૬.૮૫ પર બંધ થયું. સૌથી મોટો કડાકો ઓઇલ અને મેટલ કંપનીઓના શેરમાં જોવા મળી રહ્યો છે.

નોંધનીય છે કે ભારત મોટા પ્રમાણમાં રશિયાથી ઓઇલ ખરીદે છે. બીજી તરફ અમેરિકા સતત ભારતને ઓઇલ ન ખરીદવા દબાણ કરી રહ્યું છે. એવામાં અમેરિકામાં હવે નવું બિલ આવી રહ્યું છે. જે અનુસાર રશિયાથી ઓઇલ ખરીદતા દેશો પર ૫૦૦ ટકા ટેરિફ ઝીંકવામાં આવશે.

અમેરિકાના પ્રમુખ ડોનાલ્ડ ટ્રમ્પના નિર્ણય બાદ ભારતીય રોકાણકારોના ધબકારા વધ્યા છે. જો આ ટેરિફ લાગુ થાય તો ભારત-અમેરિકાના વેપારને જોરદાર ફટકો પડશે. અમેરિકામાં ભારતીય પ્રોડક્ટ્‌સના ભાવ આસમાને પહોંચી જશે. જેના કારણે ભારતીય વેપારીઓને મોટા નુકસાનની આશંકા છે. જોકે અમેરિકાની આ ધમકીઓ હજુ સુધી ભારતની કેન્દ્ર સરકારે કોઈ પ્રતિક્રિયા આપી નથી. ભારત જ નહીં જાપાન અને હોંગકોંગના શેરબજારમાં પણ આજે કડાકો જોવા મળ્યો હતો.