GIFT સિટીમાં સ્થપાયેલા એકમોને હવે ૨૦ વર્ષ સુધી ટેક્સ મુક્તિ મળશે
ગાંધીનગર, દેશની પ્રથમ સ્માર્ટ સિટી ગુજરાત ઈન્ટરનેશનલ ફાઈનાન્સ ટેક સિટી (ગિફટ સિટી)માં રોકાણકારોને આકર્ષવા બજેટમાં મોટી જાહેરાત થઈ હતી. જે મુજબ ગિફટ સિટીમાં ૨૦ વર્ષ માટે ટેક્સમાં છૂટ આપવામાં આવી હતી.
કેન્દ્રીય બજેટની જાહેરાતો અનુસાર, GIFT સિટીમાં સ્થપાયેલા એકમો હવે ૨૦ વર્ષના ટેક્સ હોલિડે (કર મુક્તિ) માટે પાત્ર બનશે, જે અગાઉના ૧૦ વર્ષના લાભ કરતા બમણો છે. ફાઇનાન્સ બિલમાં જણાવ્યા મુજબ, આ ટેક્સ હોલિડેનો સમયગાળો પૂરો થયા પછી, આ એકમો પર ૧૫% ના રાહત દરે ટેક્સ લાગશે.
- ટેક્સ હોલિડે: GIFT સિટીમાં સ્થપાયેલા એકમોને હવે ૨૦ વર્ષ સુધી ટેક્સ મુક્તિ મળશે (અગાઉ ૧૦ વર્ષ હતી).
- ટેક્સ દર: આ સમયગાળો પૂરો થયા પછી, આ એકમોની આવક પર માત્ર ૧૫% ટેક્સ લાગશે.
- તુલના: ભારતમાં અન્ય સ્થળોએ કાર્યરત વિદેશી કંપનીઓને અંદાજે ૩૫% ટેક્સ ચૂકવવો પડે છે, એટલે GIFT સિટીમાં ૧૫% દર મોટું આકર્ષણ છે.
- OBU (Offshore Banking Units): તેમને પણ ૨૦ વર્ષ સુધી સતત કપાતનો લાભ મળશે.
- ટ્રેઝરી સેન્ટર્સ: ડીમ્ડ ડિવિડન્ડની જોગવાઈઓને તર્કસંગત બનાવવાનો પ્રસ્તાવ.
અસર
- આ પગલાં GIFT સિટીને વૈશ્વિક સ્તરે સ્પર્ધાત્મક નાણાકીય કેન્દ્ર તરીકે મજબૂત બનાવશે.
- લાંબા ગાળાની ટેક્સ નિશ્ચિતતા રોકાણકારોને આકર્ષશે.
- ભારતની ઓફશોર નાણાકીય સ્પર્ધાત્મકતા વધશે.
કેન્દ્રીય નાણા પ્રધાન નિર્મલા સીતારમણે બજેટ ભાષણમાં જણાવ્યું હતું કે, ઇન્ટરનેશનલ ફાઇનાન્સિયલ સર્વિસ સેન્ટરની સ્પર્ધાત્મકતા વધારવા માટે, સેક્શન ૧૪૭ હેઠળ કપાતનો સમયગાળો વધારીને ૨૫ વર્ષમાંથી ૨૦ સતત વર્ષો માટે અને OBU (ઓફશોર બેંકિગ યુનિટ્સ) માટે ૨૦ સતત વર્ષો કરવાની દરખાસ્ત છે.
કપાતનો સમયગાળો પૂરો થયા પછી IFSC ના આ એકમોની વ્યવસાયિક આવક પર ૧૫% ના દરે ટેક્સ લેવામાં આવશે. તેની સરખામણીમાં, ભારતમાં અન્ય સ્થળોએ કાર્યરત વિદેશી કંપનીઓએ તેમની આવક પર અંદાજે ૩૫% ટેક્સ ચૂકવવો પડે છે.
તેની સામે GIFT સિટીમાં માત્ર ૧૫% ટેક્સ એક મોટું આકર્ષણ બનશે. સરકારે ટ્રેઝરી સેન્ટર્સ માટે ડીમ્ડ ડિવિડન્ડ ની જોગવાઈઓને તર્કસંગત બનાવવાનો પ્રસ્તાવ પણ મૂક્યો છે. ગાંધીનગરમાં આવેલું GIFT સિટી ભારતનું પ્રથમ ‘ઓફશોર-સ્ટાઈલ’ ફાઇનાન્શિયલ સેન્ટર તરીકે વિકસાવવામાં આવી રહ્યું છે.
આ નિર્ણયને આવકારતા GIFT સિટીના મેનેજિગ ડિરેક્ટર અને ગ્રુપ CEO સંજય કૌલે જણાવ્યું હતું કે, આ બજેટ દેશના પ્રથમ IFSC માંથી વ્યવસાય કરતા એકમો માટે લાંબા ગાળાની ટેક્સ નિﾍતિતા પ્રદાન કરે છે, જે ભારતની ઓફશોર નાણાકીય સ્પર્ધાત્મકતામાં વધારો કરશે.
આ પગલાં GIFT સિટીને વૈશ્વિક સ્તરે સ્પર્ધાત્મક નાણાકીય ડેસ્ટિનેશન તરીકે વધુ મજબૂત બનાવશે. ઉલ્લેખનીય છે કે ૨૦૨૬ની શરૂઆતમાં ગિફટ સિટીમાં ઈન્ડિયન એઆઈ રિસર્ચ ઓર્ગેનાઈઝેશનની સ્થાપના કરવામાં આવી હતી. જે દેશમાં સ્થપાયેલું પ્રથમ ઇન્ડિયન AI રિસર્ચ ઓર્ગેનાઈઝેશન હતું. ગુજરાત સરકાર, ભારત સરકાર અને ઉદ્યોગોની ભાગીદારીથી પીપીપી મોડલ પર IAIRO ૧ જાન્યુઆરી ૨૦૨૬થી કાર્યરત થયું હતું.
