આધ્યાત્મિક ગુરુ દલાઈ લામાએ ૯૦ વર્ષની ઉંમરે ગ્રેમી એવોર્ડ જીત્યો

ભારત આ વર્ષે ગ્રેમીમાં કંઈ જીતી શક્યું નથી

આ વર્ષે, પંડિત રવિશંકરની પુત્રી અનુષ્કા શંકરને તેમના ગીત “ડેબ્રેક” માટે ગ્રેમી એવોર્ડ માટે નામાંકિત કરવામાં આવ્યા હતા

મુંબઈ,સંગીતના સૌથી પ્રતિષ્ઠિત સન્માનોમાંના એક, ૨૦૨૬ ગ્રેમી એવોડ્‌ર્સ માટે વિજેતાઓની યાદી બહાર પાડવામાં આવી છે. દર વર્ષની જેમ, ભારત દાવેદાર હતું, પરંતુ ભારત આ વર્ષે ગ્રેમીમાં કંઈ જીતી શક્યું નથી. જોકે, આ વર્ષે, ૯૦ વર્ષીય દલાઈ લામાએ ગ્રેમી એવોર્ડ જીત્યો છે અને તેમને ગ્રેમી એવોર્ડથી સન્માનિત કરવામાં આવ્યા છે. તેમને આ એવોર્ડ ખૂબ જ ખાસ શ્રેણીમાં એનાયત કરવામાં આવ્યો હતો.

દલાઈ લામાનો મનોરંજન જગત સાથે ઊંડો સંબંધ રહ્યો છે અને તેઓ ઘણી ફિલ્મોમાં દેખાયા છે. હવે, તેમને સંગીત જગતમાં એક મોટા સન્માનથી સન્માનિત કરવામાં આવ્યા છે.દલાઈ લામાને તેમના આલ્બમ માટે ૬૮મા ગ્રેમી એવોડ્‌ર્સમાં શ્રેષ્ઠ ઓડિયોબુક, નેરેશન અને સ્ટોરીટેલિંગ રેકો‹ડગ કેટેગરીમાં આ સન્માન મળ્યું છે. તેમના આલ્બમ, “મેડિટેશનઃ ધ રિફ્લેક્શન્સ ઓફ હિઝ હોલિનેસ ધ દલાઈ લામા” ને આ ખાસ કેટેગરીમાં નામાંકિત કરવામાં આવ્યું હતું, જેનાથી તેમને તેમનો પહેલો ગ્રેમી એવોર્ડ મળ્યો હતો.

નોબેલ શાંતિ પુરસ્કાર વિજેતા, દલાઈ લામાને અનેક સન્માન મળ્યા છે, અને હવે તેમની યાદીમાં એક નવું સન્માન ઉમેરવામાં આવ્યું છે.આ વર્ષે, પંડિત રવિશંકરની પુત્રી અનુષ્કા શંકરને તેમના ગીત “ડેબ્રેક” માટે ગ્રેમી એવોર્ડ માટે નામાંકિત કરવામાં આવ્યા હતા. જોકે, તે આ વર્ષે જીતી શકી ન હતી. તેણીને અગાઉ વિવિધ શ્રેણીઓમાં ૧૧ વખત નામાંકિત કરવામાં આવી હતી. જોકે સંગીતકારે પહેલાથી જ જાહેરાત કરી હતી કે તે વિવિધ કારણોસર આ કાર્યક્રમમાં હાજરી આપી શકશે નહીં, શંકર મહાદેવનના ફ્યુઝન બેન્ડ શક્તિ, જેમાં સિદ્ધાંત ભાટિયાનો સમાવેશ થાય છે, તેને પણ નામાંકિત કરવામાં આવ્યા હતા.

ભારતીય સંગીતમાં યોગદાન બદલ સંગીતકાર ચારુ સુરીને પણ ગ્રેમી એવોર્ડ માટે નામાંકિત કરવામાં આવી હતી. જોકે, આ વખતે ભારતને નિરાશાનો સામનો કરવો પડ્યો. આ વર્ષે ગ્રેમી એવોડ્‌ર્સમાં કેન્ડ્રિક લામરને નવ શ્રેણીઓમાં નામાંકન મળ્યા, જેમાં ત્રણ જીત્યા. લેડી ગાગા સાત નામાંકન સાથે બીજા સ્થાને રહી.માર્ટિન સ્કોર્સેસે ૧૯૯૭માં દલાઈ લામા વિશે કુંદન નામની ફિલ્મ બનાવી હતી, જેમાં તેમના બાળપણનું ચિત્રણ કરવામાં આવ્યું હતું. આ ફિલ્મને ચાર ઓસ્કાર નોમિનેશન મળ્યા હતા.

તે જ વર્ષે હોલીવુડ અભિનેતા બ્રેડ પિટની ફિલ્મ, ૭ યર્સ ઇન તિબેટ, રિલીઝ થઈ હતી, અને તેને સકારાત્મક પ્રતિસાદ મળ્યો હતો. તેમાં બોલિવૂડ અભિનેતા ડેની ડેન્ઝોંગપા પણ અભિનય કર્યાે હતો. ૨૦૧૪માં, તેમના પર “ધ દલાઈ લામા અવેકનિંગ” નામની એક દસ્તાવેજી ફિલ્મ રિલીઝ થઈ હતી, જેને સારી રીતે આવકાર મળ્યો હતો. ૨૦૨૪માં, દલાઈ લામા પર “વિઝડમ ઓફ હેપ્પીનેસ” નામની એક દસ્તાવેજી ફિલ્મ રિલીઝ થઈ હતી. આ દસ્તાવેજીમાં ૧૪મા દલાઈ લામા પોતે દર્શાવવામાં આવ્યા હતા.ss1