120 સોશિયલ મીડિયા પ્લેટફોર્મ હેન્ડલર સામે આ કારણસર ફરિયાદ બાદ નિવેદન લેવાની કાર્યવાહી

દેહવિક્રયનો ઓનલાઈન પ્રચાર-પ્રસાર કરતા દેહવિક્રયઃ લાખો ગુમાવનાર ‘ગ્રાહકો’એ હિંમત કરી ફરિયાદ કરી

(એજન્સી)અમદાવાદ, અમદાવાદમાં વર્ષો પહેલાં હાઈવેના છેડે નજીકના ગામડામાં ત્યારબાદ સ્પા અને મસાજ સેન્ટરના નામે ચાલતો દેહવિક્રયનો ધંધો હવે ઓનલાઈન ચાલી રહ્યો છે. તમામ રીતે કચાલતા આ દેહના વેપારને અટકાવવા માટે પોલીસ પગલાં લઈ રહી છે.

જો કે, અમદાવાદ ક્રાઈમ બ્રાન્ચના ધ્યાનમાં કઆવ્યું હતુંકે, શહેરમાં ઓનલાઈન એસ્કોર્ટ સેવા અને દેહવિક્રયના નામે લોકોને ઠગવામાં આવી રહ્યા છે. ઓન સ્ક્રીન સુંદર યુવતી બતાવી તેના માટે એડવાન્સ રૂપિયા લઈ ગ્રાહકોને ઠગવામાં આવી રહ્યા છે. આ બાબતને આધારે ક્રાઈમ બ્રાન્ચે આ ૧ર૦ સોશિયલ મીડિયા હેન્ડલર વિરૂદ્ધ ફરિયાદ નોંધી તપાસ શરૂકરી છે. હવે આ રેકેટમાં ભોગ બનેલા અને ઠગાયેલા લોકોના નિવેદન લેવાની કામગીરી ચાલી રહી છે જેમાં ઘણી કવિગતો સામે આવી રહી છે.

આગામી દિવસોમાં આ કાંડના મોટા માથાઓ સામે કાર્યવાહી કરવામાં આવશે. જો કે, ઓનલાઈન એસ્કોર્ટની સેલા લેતાં ઠગાયેલા ગ્રાહકોએ ફરિયાદ કરવાની હિંમત કરતાં તપાસનો ધમધમાટ શરૂ થયો છે. વર્તમાન સંવેદનશીલ પરિસ્થિતિમાં સોશિયલ મીડિયા પર કોઈ સમાજ, જાતિ કે સંપ્રદાય કે રાજકીય પાર્ટીનું સ્વમાન કે પછી ધાર્મિક, સામાજિક કે રાજકીય લાગણીઓ દુભાય તેવી પોસ્ટ સોશિયલ મીડિયા પર વાયરલ થઈ રહી છે.

આવી પોસ્ટ વાયરલ થાય તે પહેલાં જ તેને સોશિયલ મીડિયા પ્લેટફોર્મ પરથી હટાવવા માટે ક્રાઈમ બ્રાન્ચનું સોશિયલ મીડિયા મોનિટરિંગ સેલ એક્ટિવ છે. આ ટીમના ધ્યાનમાં આવ્યું કે, છેલ્લા ઘણા સમયથી ઓનલાઈન દેહવિક્રય, મહિલાઓના ડિજિટલ શોષણ અને સાયબર ઠગાઈના બનાવો વધી રહ્યા છે.

દરેક પ્લેટફોર્મ પર એસ્કોર્ટ સર્વિસ, એઆઈ જનરેટેડ અશ્લીલ સામગ્રી પીસરવામાં આવી રહી છે. તપાસ કરતાં એવી વિગતો પણ સામે આવી કે ઓનલાઈન સુંદર યુવતી બતાવી એસ્કોર્ટ સેવાના નામે લોકો પાસેથી રૂપિયા પડાવવામાં આવી રહ્યા છે. હવે આ બાબતે ઠગાયેલા લોકો પોતાની વાત કોઈને કહેવાનું કે ફરિયાદ કરવાનું ટાળતા હોય છે. એટલે આવી ગેંગને ફાવતું જડતું હોય છે.

આખરે પોલીસે આવા ૧ર૦ સોશિયલ મીડિયા પ્લેટફોર્મ સામે ફરિયાદ નોંધી તપાસ શરૂ કરી છે જેમાં ભોગ બનેલા લોકોના નિવેદન લેવાની કામગીરી ચાલી રહી છે. સાથે સાથે આ ગેંગની જુદી જુદી મોડસ ઓપરેન્ડી પણ સામે આવી રહી છે. તપાસમાં ઓનલાઈન સેકસ રેકેટ અને એઆઈ જનરેટેડ અશ્લીલ સામગ્રી પીરસતા તત્ત્વો તથા એસ્કોર્ટ સર્વિસ ચલાવતા તત્ત્વો સામે પગલાં લેવાની કવાયત ચાલી રહી છે.