નરોડામાં મહિલાની હત્યા કરનારો આરોપી પ્રેમિકા સાથે ઝડપાયો
અમદાવાદમાં નરોડા વિસ્તારમાં વિજય મિલના ઔડાના મકાનમાં 30 જૂન રાત્રે હત્યાનો બનાવ બન્યો હતો. જેમાં આરોપી અને તેની પ્રેમિકા દ્વારા હત્યા કરવામાં આવી. જ્યોત્સનાબેન જે પડોશમાં રહેતા હતા તેમની હત્યા કરી હતી.આ મામલે પોલીસે બંને આરોપીની ધરપકડ કરી છે. 
આ ઘટનાની વિગતથી વાત કરીએ તોઆરોપી ભુપતને તેમની સાળી જોડે પ્રેમ સબંધ હતા. જેથી 30 જૂનની રાતે આરોપી ભુપત તેની પ્રેમીકા સાળી સાથે તેના ઘરે હતો..ત્યારે અચાનક ભૂપતની પત્ની આવી ગઈ અને તે બન્ને ને રંગે હાથે ઝડપી લીધા હતા. પરંતુ ત્યારે જ પડોશમાં રહેતા જ્યોત્સનાબેન બહાર આવ્યા અને ભુપત તેમની સાથે ઝઘડો ચાલુ કરી દીધો અને કહેવા લાગ્યો કે તે જ મારી પત્નિને ચઢાવી છે.
તેમ કહી મૃતક જ્યોશનાબેન અને તેમની દીકરી રોશની પર છરી વડે હુમલો કર્યો હતો. જેમાં જ્યોત્સનાબેનનું મોત નીપજ્યું હતું. જ્યોત્સનાબેનની દીકરીને પણ ઈજા પહોંચી હતી. જ્યોત્સના બેનની હત્યા બાદ શહેર કોટડા પોલીસે હત્યાનો ગુન્હો નોંધી આરોપીની શોધખોળ શરૂ કરી હતી. જોકે પોલીસે આરોપી ભુપત અને તેની પ્રેમિકા સાળીની ધરપકડ કરી વધુ તપાસ હાથ ધરી છે.
