Western Times News

Latest News in Gujarat

‘પિતા હોસ્પિટલમાં છે, કોના ભરોસે ખાઈશ ?’, મળ્યો જાેરદાર જવાબ

અમિતાભ બચ્ચન અને અભિષેક બચ્ચન હાલ કોરોના વાયરસની સારવાર લઈ રહ્યા છે. ૧૨ જુલાઈએ કોરોનાનો રિપોર્ટ પોઝિટિવ આવ્યા બાદ તેમને હોસ્પિટલમાં દાખલ કરાયા છે. ઐશ્વર્યા રાય બચ્ચન અને દીકરી આરાધ્યા પણ કોરોના પોઝિટિવ આવ્યા હતા. જાે કે, હવે તેમનો રિપોર્ટ નેગેટિવ આવ્યો છે અને તેઓ હોસ્પિલમાંથી રજા લઈને ઘરે આવી ગયા છે.

હોસ્પિટલમાં સારવાર લઈ રહેલા બિગ બી અને જૂનિયર બચ્ચન ફેન્સ સાથે સોશિયલ મીડિયા થકી જાેડાયેલા છે. ફેન્સ સતત તેમના સાજા થવાની કામના કરી રહ્યા છે ત્યારે કેટલાક સોશિયલ મીડિયા યૂઝર્સ એવા પણ છે જે બિગ બી અને અભિષેકને ટ્રોલ કરી રહ્યા છે. અભિષેકે આવા ટ્રોલર્સને જડબાતોડ જવાબ આપ્યો છે.

એક ટિ્‌વટર યૂઝરે અભિષેકને ઉદ્દેશીને લખ્યું, ‘તારા પિતા હોસ્પિટલમાં દાખલ છે. એબી હવે કોના ભરોસે બેસીને ખાઈશ ?’ ત્યારે જડબાતોડ જવાબ આપવામાં ક્ષણભરનો પણ વિલંબ ના કરતાં અભિષેકે કહ્યું, ’હાલ તો બંને હોસ્પિટલમાં એકસાથે આરામથી ખાઈ રહ્યા છીએ.’

અભિષેકે જવાબ આપ્યાની થોડીવાર પછી તે સોશિયલ મીડિયા યૂઝરે ફરી અભિષેકના ટિ્‌વટ પર કોમેન્ટ કરી. તેણે લખ્યું, ‘ગેટ વેલ સૂન સર….દરેકના નસીબમાં આરામનું ભોજન નથી હોતું.’ અભિષેકે પણ તેને જવાબ આપતાં લખ્યું, ‘હું પ્રાર્થના કરીશ કે તમે ક્યારેય અમારા જેવી સ્થિતિમાં ના મૂકાવ. તમે સ્વસ્થ અને સુરક્ષિત રહો. તમારી શુભેચ્છાઓ માટે આભાર મેડમ.’

મહત્વનું છે કે, થોડા દિવસ પહેલા જ અમિતાભ બચ્ચને પણ પોતાના બ્લોગમાં ટ્રોલર્સને ચેતવ્યા હતા. એક સોશિયલ મીડિયા યૂઝરે અમિતાભ બચ્ચનને ઉદ્દેશીને લખ્યું હતું કે, ‘આશા રાખું કે કોવિડ તમારો જીવ લઈ લે.’ એ વખતે બિગ બીએ તેને બોલતી બંધ કરતો જવાબ આપ્યો હતો.