Western Times News

Latest News from Gujarat

વુહાનમાં સાજા થયેલાં કોરોના દર્દીઓમાંથી ૯૦ ટકા દર્દીઓનાં ફેફસાં ખરાબ: રિપોર્ટ

Files Photo

વુહાન, ચીનના વુહાન શહેરમાં જેટલા પણ દર્દીઓ કોરોના વાયરસને માત આપીને સાજા થયા છે તેમાંથી મોટાભાગના લોકોના ફેફસાંની સ્થિતિ ખૂબ જ ખરાબ છે. એટલું જ નહીં, સાજા થયેલા દર્દીઓમાંથી ૫ ટકા જેટલા ફરીથી કોરોના વડા સંક્રમિત થીને હોસ્પિટલમાં દાખલ થયા છે. વુહાન યુનિવર્સિટીના ડોક્ટરો દ્વારા કરવામાં આવેલા એક સર્વેમાં આ ખુલાસો થયો છે. હોસ્પિટલના ઈન્ટેન્ટિવ કેર યુનિટના ડિરેક્ટર પેંગ ઝિયોંગની અધ્યક્ષતામાં વુહાન યુનિવર્સિટીની ઝાન્ગેનૈન હોસ્પિટલમાં એક ટીમ કામ કરી રહી છે. આ ટીમે વુહાનમાં કોરોનાથી સાજા થયેલાં ૧૦૦ દર્દીઓનો એક સર્વે કર્યો હતો. આ ટીમ એપ્રિલ મહિનાથી કોરોનાથી સાજા થયેલાં ૧૦૦ દર્દીઓપર નજર રાખી રહી હતી.

તે સિવાય સમય સમય પર દર્દીઓના ઘરે જઈને તેમના સ્વાસ્થ્યની જાણકારી મેળવી રહી હતી. એક વર્ષ સુધી ચાલનારા આ સર્વેનો પ્રથમ તબક્કો જુલાઈ મહિનામાં સમાપ્ત થયો હતો અને આ સર્વેમાં દર્દીઓની સરેરાશ ઉંમર ૫૯ વર્ષ છે.
પહેલા તબક્કાના પરિણામો પ્રમાણે સાજા થયેલા દર્દીઓમાંથી ૯૦ ટકાના ફેફસાં બરબાદીના કિનારે છે. મતલબ કે આ દર્દીઓના ફેફસાંનું વેન્ટિલેશન અને ગેસ એક્સચેન્જ ફંક્શન કામ નથી કરી રહ્યું. આ લોકો હજુ સુધી સંપૂર્ણપણે સ્વસ્થ નથી થઈ શક્યા.

પેંગની ટીમે દર્દીઓ સાથે ૬ મિનિટનો વોક ટેસ્ટ કર્યો હતો. જેમાં દર્દીઓ ૬ મિનિટમાં માત્ર ૪૦૦ મીટર જ ચાલી શકતા હોવાની જાણ થઈ હતી. જ્યારે એક સ્વસ્થ વ્યક્ત ૫૦૦ મીટર સુધી ચાલી શકે છે. સાજા થયેલા દર્દીઓ પૈકીના કેટલાંક દર્દીઓને ત્રણ મહિના પછી પણ ઓક્સિજન સિલિન્ડર પર જ નિર્ભર રહેવું પડે છે. એટલું જ નહીં, ૧૦૦માંથી ૧૦ દર્દીઓના શરીરમાંથી કોરોના સામે લડી શકે તેવા એન્ટીબોડી જ સમાપ્ત થઈ ગયા છે.

આશરે ૫ ટકા દર્દીઓ કોવિડ-૧૯ ન્યૂક્લિક એસિડ ટેસ્ટમાં નેગેટિવ આવ્યા છે પરંતુ ઈમ્યુનોગ્લોબિન એમ ટેસ્ટમાં પોઝિટિવ આવ્યા છે. મતલબ કે તેમને ફરીથી ક્વોરેન્ટાઈન થવું પડશે. જો કે આ લોકો ફરી કોવિડ-૧૯થી સંક્રમિત થયા છે કે જૂની બીમારી જ વારંવાર પરેશાન કરી રહી છે તે હજુ નક્કી નથી થઈ શક્યું. સાજા થયેલા દર્દીઓના શરીરમાં વાયરસ સામે લડી શકે તેવા બી-સેલ્સની સંખ્યામાં પણ ભારે ઘટાડો જાેવા મળ્યો છે. પેંગના કહેવા પ્રમાણે હજુ કોરોના સંક્રમણથી સાજા થયેલા લોકો સંપૂર્ણપણે ઠીક નથી અને તેમને સ્વસ્થ થતા હજુ થોડો સમય લાગશે.