Western Times News

Latest News from Gujarat

ડેવિડ મિલર ધોની પાસે ખાસ ગુણોને શીખવા માગે છે

દુબઈ: ઈન્ડિયન પ્રીમિયર લીગની ફ્રેન્ચાઇઝ ટીમ ચેન્નાઈ સુપર કિંગ્સના કેપ્ટન મહેન્દ્રસિંહ ધોનીની મેચ જીતવાની ક્ષમતાથી બધા જ વાકેફ છે. પૂર્વ ભારતીય કેપ્ટન ધોનીની કુશળતાના લક્ષણોને દક્ષિણ આફ્રિકાના ડેવિડ મિલર પણ શિખવા માંગે છે. ખાસ કરીને રમતમાં લક્ષ્યનો પીછો કરતી વખતે દબાણનો સામનો કરીને પણ શાંત રહેવાનો ધોનીનો ગુણ શીખવા માંગે છે. મિલર આ વખતે આઈપીએલમાં રાજસ્થાન રોયલ્સ તરફથી રમશે. તે આઠ વર્ષથી કિંગ્સ ઇલેવન પંજાબની ટીમમાં હતા.

 

પૂર્વ કેપ્ટને આ વર્ષે ઓગસ્ટમાં આંતરરાષ્ટ્રીય ક્રિકેટમાંથી નિવૃત્તિ લેવાની જાહેરાત કરી હતી. ૨૦૧૯ની આઈસીસી વનડે વર્લ્‌ડ કપ સેમિફાઇનલ મેચ ધોનીની કારકિર્દીની છેલ્લી આંતરરાષ્ટ્રીય મેચ સાબિત થઈ છે.

૨૦૧૧ માં લક્ષ્યનો પીછો કરતા ધોનીએ છગ્ગા ફટકારીને ભારતને વર્લ્‌ડ ચેમ્પિયન બનાવ્યું હતું. ધોનીને મોટા લક્ષ્યો હાંસલ કરવામાં નિષ્ણાંત માનવામાં આવતો હતો. તે પછી જ તે ક્રિકેટ ઇતિહાસના મહાન ફીનીશર્સમાં ગણાય છે. મિલેરે કહ્યું કે, ધોની જે રીતે રમે છે તેની મને ખાતરી છે.

દબાણની ક્ષણોમાં પણ તે શાંત રહે છે. મારે પણ તે જ રીતે મેદાનમાં આવવું છે. મિલેરે કહ્યું કે તેની પાસે અને મારી પાસે બેટ્‌સમેન તરીકેની તાકાત અને નબળાઇ છે. હું લક્ષ્યનો પીછો કરતી વખતે તેમની જેમ બેટિંગ કરવા માંગુ છું. હું તેના જેવા ફિનિશર બનવા માંગુ છું. તેણે કહ્યું કે ચાલો જોઈએ કે મારી કારકીર્દિ કેવી આગળ વધે છે.

તો જ હું આકાર આપી શકીશ. ધોની દુનિયાના સર્વશ્રેષ્ઠ ફીનીશર્સમાંનો એક છે અને તે ઘણી વખત સાબિત થયો છે. મને તેની બેટિંગ જોવાનું ગમે છે. મિલરે ગત વર્ષે પંજાબ માટે ૧૦ મેચમાં ૨૧૩ રન બનાવ્યા હતા. છેલ્લા કેટલાક વર્ષોથી હું પંજાબ માટે વધુ સારુ રમી રહ્યો ન હતો અને આ જ કારણ છે કે હું પણ મેચ જીતી શક્યો ન હતો. હવે મારી પાસે વધુ અનુભવ છે અને હું જાણું છું કે શું કરવું.