Western Times News

Latest News from Gujarat

ભુજમાં પ્રેમમાં અડચણરુપ માતાની પુત્રીએ હત્યા કરાવી

ભુજ: ભુજના સુખપર ગામ બુધવારે એક મહિલાનો શંકાસ્પદ હાલતમાં મૃતદેહ મળી આવ્યો હતો. આ ઘટનામાં મહિલાની હત્યા તેની જ ૧૭ વર્ષની સગી દીકરીએ તેના પ્રેમી સાથે કરી હોવાનું સામે આવ્યું છે. પોલીસે જ્યારે પ્રાથમિક તપાસમાં પુછ્યું હતું ત્યારે પુત્રીએ એવું કહ્યું હતું કે તે ટ્યુશન ક્લાસમાં ગઈ હતી ઘરે આવીને જોયું તો માતાનો મૃતદેહ પડ્યો હતો. પોલીસ પાસેથી મળતી માહિતી મુજબ મૃતક વિજ્યાબેન ભુડીયાની તેમના પરિવાર સાથે સુખપર ગામે રહેતા હતા. તેમની દીકરી ધોરણ ૧૨માં અભ્યાસ કરે છે. ૧૭ વર્ષીય દીકરીને બાજુમાં રહેતા સુનીલ ઉર્ફે સોનું કિશોરભાઈ જોશી સાથે પ્રેમ સંબંધ હતો.

તેમના પ્રેમ સંબંધની જાણ માતા વિજ્યાબેનને થઈ જતા માતા તેમની દીકરીને આ સંબંધો તોડી નાંખવા માટે કહેતી હતી. માતાના વારંવાર ઠપકાથી કંટાળીને દીકરીએ તેના પ્રેમી સુનિલ અને તેના એક મિત્ર સાથે મળીને વિજ્યા બહેનની હત્યા કરી નાંખી. હત્યા કર્યા બાદ પ્રેમી અને તેનો મિત્ર ઘરેથી ફરાર થઈ ગયા અને દીકરીને તેના પિતાને ફોન કરીને કહ્યું કે હું ટ્યુશનમાંથી આવી તો માતા આ રીતે લોહી લુહાણ હાલતમાં પડી છે.

હત્યાની ઘટના સામે આવતા પોલીસ તપાસ માટે અને ઘરમાં તપાસ કરી તો તેમની દીકરીનો એક લેટર મળી આવ્યો જેમાં સોનું નામના યુવકનો ઉલ્લેખ હતો. જેના આધારે પોલીસે કડક પુછપરછ કરી તો સગીરાએ સ્વીકાર્યું કે તેના પ્રેમી સાથે તેણે આ હત્યાને અંજામ આપ્યો હતો. પોલીસે હત્યાનો ગુનો નોંધીની સગીરાના જુવેનાઈલ હોમમાં ખસેડી છે જ્યારે હત્યારો પ્રેમી અને તેના સાથીને પોલીસે ઝડપી આગળની કાર્યવાહી હાથ ધરી છે.

Copyright © All rights reserved. | Developed by Aneri Developers