Western Times News

Latest News from Gujarat

અભિનેતા રિતેશ દેશમુખે કેદારનાથનો વીડિયો શેર કર્યો

મુંબઈ: ઓક્ટોબરના આગમન સાથે જ દેશમાં ઉત્સવની મોસમ શરૂ થઈ જાય છે અને બોલિવૂડના ઘણા સેલેબ્સ પણ આ સિઝનમાં ખૂબ જ સક્રિય જોવા મળી રહ્યા છે. અભિનેતા રિતેશ દેશમુખે તાજેતરમાં એક વિડીયો શેર કર્યો છે જેમાં કેદારનાથ મંદિરની સુંદરતા જોઈ શકાય છે. આ વિડીયોના બેકગ્રાઉન્ડમાં હિમાલયના પર્વતો પણ જોઇ શકાય છે.

હાલ આ વિડીયો ખૂબ વાયરલ થઈ રહ્યો છે. રિતેશના આ વિડીયો પર ફેન્સની સાથે ઘણી સેલેબ્સે પણ કોમેન્ટ કરી છે. અભિષેક બચ્ચન કેદારનાથ મંદિરની સુંદરતાથી આશ્ચર્યચકિત થઈ ગયા.

આ સિવાય કરણ ટેકર અને બાદશાહ જેવા સેલેબ્સે પણ આ વિડીયો પર કોમેન્ટ કરી હતી. આવા જ ઘણા ફેન્સે પણ કોમેન્ટ બોક્સમાં હર હર મહાદેવ અને જય ભોલેનાથના નારા પણ લગાવ્યા.

વર્કફ્રન્ટની વાત કરીએ તો, રિતેશની છેલ્લી ફિલ્મ ‘બાગી ૩’ હતી. આ ફિલ્મમાં રિતેશ ટાઇગર શ્રોફના ભાઈ તરીકે જોવા મળ્યો હતો. આ ફિલ્મમાં ટાઇગર અને રિતેશ ઉપરાંત શ્રદ્ધા કપૂર પણ જોવા મળી હતી. આ સિવાય તે કપિલ શર્માના શોમાં તેની પત્ની જેનેલિયા ડિસુઝા સાથે ટુંક સમયમાં જોવા મળશે.

Copyright © All rights reserved. | Developed by Aneri Developers