આલિયા ભટ્ટ RRRના શૂટિંગ માટે રવાના થઈ ગઈ

મુંબઈ: બોલિવુડ એક્ટ્રેસ આલિયા ભટ્ટ સોશિયલ મીડિયા પર ખાસ્સી એક્ટિવ રહે છે. હાલમાં જ આલિયા ભટ્ટ એરપોર્ટ જાેવા મળી હતી. આલિયા આગામી ફિલ્મ આરઆરઆરના શૂટિંગ માટે નીકળી છે. આ પહેલીવાર છે જ્યારે આલિયા ભટ્ટ એસ. એસ. રાજામૌલી અને રામ ચરણ તેમજ જૂનિયર એનટીઆઈ જેવા સાઉથના સુપરસ્ટાર્સ સાથે કામ કરશે. આલિયા ભટ્ટે સોશિયલ મીડિયાના માધ્યમથી પોતાના ફેન્સને અપડેટ આપી છે કે, તે આરઆરઆરનું શૂટિંગ શરૂ કરવા જઈ રહી છે.

આલિયાએ ઈન્સ્ટાગ્રામ સ્ટોરીમાં એક બૂમરેંગ વિડીયો શેર કરીને આ વિશે જાણકારી આપી હતી. એરપોર્ટ પર આલિયા ભટ્ટ ખૂબ જ સ્ટાઈલિશ અવતારમાં જાેવા મળી હતી. આલિયાએ બ્લેક ટી-શર્ટ સાથે નિયોન અને ડેનિમ જેકેટ પહેર્યું હતું. મોટા હૂપ્સ અને પોની ટેલ સાથે આલિયાએ લૂક કમ્પ્લિટ કર્યો હતો. આલિયા ભટ્ટે બૂમરેંગ વિડીયો શેર કરતાં લખ્યું, આખરે ટીમ આરઆરઆર સાથે જાેડાઈ રહી છું.

આ વિડીયોમાં મેકપઅ વિના પણ આલિયા ભટ્ટ ખૂબસૂરત લાગતી હતી. આ ફિલ્મમાં રામ ચરણ, જૂનિયર એનટીઆર અને આલિયા ઉપરાંત અજય દેવગણ અને ઓલિવિયા મોરિસ પણ છે. અગાઉ ફિલ્મના મેકર્સે સોશિયલ મીડિયા પર ટીઝર શેર કર્યું હતું જે જાેઈને ફેન્સ પાગલ થયા હતા. રિપોર્ટ્‌સનું માનીએ તો આરઆરઆર૨૦૧૨માં રિલીઝ થશે પરંતુ મેકર્સ તરફથી કોઈ ઓફિશિયલ જાહેરાત કરાઈ નથી. આરઆરઆરના શૂટિંગ માટે રવાના થતાં પહેલા આલિયા ભટ્ટે પોતાની મમ્મી સોની રાઝદાન, બહેન શાહીન અને ઈન્ડસ્ટ્રીના અમુક મિત્રો સાથે સુખદ સમય વિતાવ્યો હતો.

આલિયાએ ઈન્સ્ટાગ્રામ પર એક તસવીર શેર કરી હતી, જેમાં ફિલ્મ ઈન્ડસ્ટ્રીની એક્ટ્રેસ અને તેમની મમ્મીઓ જાેવા મળે છે. તસવીરમાં આલિયા, સોની રાઝદાન, શાહીન ભટ્ટ, નીના ગુપ્તા અને તેની દીકરી મસાબા, આકાંક્ષા રંજન કપૂર, તેની મમ્મી અને બહેન જાેવા મળે છે.