Western Times News

Latest News from Gujarat

હાલ માત્ર વયસ્કોને કોરોના વેક્સિન આપવામાં આવશે

નવી દિલ્હી: દુનિયાભરમાં ફરી એક વાર ઝડપથી કોરોના વાયરસનું સંક્રમણ વધતું જાેવા મળી રહ્યું છે. કોરોનાના વધતા સંક્રમણની વચ્ચે હવે વેક્સીનને લઈને પણ ચર્ચા વધુ જાેર પકડી રહી છે. અનેક વેક્સીન કંપનીઓને ડોઝના ઇમરજન્સી ઉપયોગની મંજૂરી પણ મળી ગઈ છે. એક અનુમાન મુજબ આગામી વર્ષની શરૂઆતમાં કોરોના વેક્સીન સામાન્ય લોકો માટે ઉપલબ્ધ થઈ જશે. એવામાં આ વર્ષના અંત સુધી લાખો વયસ્કોને તો કોરોના વાયરસના ડોઝ આપવામાં આવી ચૂક્યા હશે પરંતુ બાળકોને હજુ પણ વેક્સીન માટે લાંબી રાહ જાેવી પડશે.

બાળકોમાં વેક્સીનના વિલંબનું સૌથી મોટું કારણ એ છે કે તેમને આ ટ્રાયલમાં સામેલ નહોતા કરવામાં આવ્યા. એવામાં આ વેક્સીન બાળકો માટે કેટલી સુરક્ષિત છે તેના વિશે દવા કંપનીઓને હજુ જાણકારી નથી. દવા કંપનીઓ કોરોના વેક્સીન બજારમાં આવ્યા બાદ બાળકો માટે પણ ટ્રાયલ શરૂ કરશે. જાેકે, બ્રિટને ફાઇઝર-બાયોએનટેકની વેક્સીનને આ વિકલ્પની સાથે મંજૂરી આપી છે કે ઇમરજન્સી સ્થિતિમાં બાળકોને પણ વેક્સીનેશન કરવામાં આવી શકે છે. અમેરિકામાં એમોરી વેક્સીન સેન્ટરના નિદેશક ડૉ. રફી અહમદે કહ્યું છે કે હાલ અમે વેક્સીનમાં બાળકોને સામેલ નથી કરી રહ્યા.

તેનું સૌથી મોટું કારણ એ છે કે બાળકોને હજુ સુધી ટ્રાયલમાં સામેલ નથી કરવામાં આવ્યા. અમને એ પણ ખબર નથી કે જે વેક્સીન તૈયાર કરવામાં આવી છે તે બાળકો માટે કેટલી સુરક્ષિત છે. દવા કંપનીઓમાંથી કેટલાકે બાળકો પર અલગ ટ્રાયલ શરૂ કરવાની યોજના બનાવી છે. નોંધનીય છે કે, વેક્સીન નિર્માતા કંપની ફાઇઝર અને મોડર્નાએ થોડાક દિવસ પહેલા બાળકો ઉપર પણ વેક્સીનના ક્લીનિકલ ટ્રાયલની શરૂઆત કરી છે.

બાળકો પર કરવામાં આવી રહેલા ટ્રાયલ વયસ્કોથી ઘણા અલગ અને કઠિન હોય છે. આ ટ્રાયલ હેઠળ દવા કંપનીઓને લાંબી સુરક્ષા અવધિ, યોગ્ય સુરક્ષા માપદંડ અને વેક્સીનના બે ટ્રાયલની વચ્ચે અંતરને યોગ્ય રીતે તપાસ કરવાની હોય છે. જેથી બાળક ઉપર વેક્સીનના સારા પરિણામોના પ્રયોગ કરી શકાય. આ પ્રક્રિયામાં લગભગ એક વર્ષ લાગવાની શક્યતા છે.

Copyright © All rights reserved. | Developed by Aneri Developers