દિવ્યાંકા ત્રિપાઠી ઉદયપુરમાં બર્થ ડે સેલિબ્રેટ કરી રહી છે
મુંબઈ: સીરિયલ યે હૈં મોહબ્બતેંની એક્ટ્રેસ દિવ્યાંકા ત્રિપાઠી હાલ પતિ વિવેક દહિયા સાથે ઉદયપુરમાં છે. દિવ્યાંકા અહીં ૩૬મો બર્થ ડે સેલિબ્રેટ કરવા પહોંચી છે. બર્થ ડે પર દિવ્યાંકાને પતિ વિવેક તરફથી શાનદાર સરપ્રાઈઝ મળી હતી. બર્થ ડેની આગલી સાંજે વિવેક અને દિવ્યાંકાએ કેન્ડલ લાઈટ ડિનર લીધું હતું. દિવ્યાંકાને થયું કે બસ આટલું જ હશે
પરંતુ તેને ક્યાં ખબર હતી કે પતિએ તેના માટે કેટલીય સરપ્રાઈઝ પ્લાન કરીને રાખી છે. દિવ્યાંકા અને વિવેક ડિનર પૂરું કરીને રૂમમાં આવ્યા ત્યારે વ્હાઈટ ચોકલેટ કેક બર્થ ડે ગર્લની રાહ જાેઈ રહી હતી. હાર્ટ શેપની વ્હાઈટ ચોકલેટ કેક પર દિવ્યાંકા અને વિવેકનો ફોટોગ્રાફ હતો. ટેબલ પર ટ્રેડિશનલ ઉદયપુરી છત્રીથી ઢાંકીને કેક મૂકવામાં આવી હતી. આ જાેઈને દિવ્યાંકાની ખુશીનો પાર નહોતો.
દિવ્યાંકાએ પોતાની ઈન્સ્ટાગ્રામ સ્ટોરીમાં પતિ સાથેના આ નાનકડા પણ ખાસ બર્થ ડે સેલિબ્રેશનની તસવીરો અને વિડીયો શેર કર્યા છે. આ ઉપરાંત દિવ્યાંકાએ કેન્ડલ લાઈટ ડિનર, કેકની તસવીરો શેર કરી છે. વિડીયોમાં વિવેક મજાકમાં કહે છે તેણે આ કેક બનાવી છે.
ત્યારે દિવ્યાંકા કહે છે કે, હું આ હાથને ચૂમી લઉં. પછી તે પતિના હાથ પર કિસ કરે છે. એક વિડીયોમાં વિવેક ઝૂકીને દિવ્યાંકાને કહે છે, હેપી બર્થ ડે, મેડમ. વિવેક દહિયાએ પોતાની ઈન્સ્ટાગ્રામ સ્ટોરીમાં કેક કટિંગની તસવીરો શેર કરી છે. જેમાં દિવ્યાંકા અને વિવેક બંને હેપી બર્થ ડે ગીત ગાય છે. દિવ્યાંકા માટે સરપ્રાઈઝ આટલાથી જ પૂરી ના થયા. આજે દિવ્યાંકાની બર્થ ડે છે ત્યારે વિવેકે તેના રૂમની બહાર હેપી બર્થ ડે ફૂલોથી લખાવ્યું હતું. આ જાેઈને દિવ્યાંકા ખુશ થઈ હતી. આશ્ચર્ય સાથે તેણે પતિને પૂછ્યું હતું કે આ ક્યારે કર્યું?
પતિ તરફથી એક બાદ એક મળી રહેલી સરપ્રાઈઝની ખુશી દિવ્યાંકાના ચહેરા પર દેખાતી હતી. હજી દિવસ દરમિયાન પતિ તરફથી દિવ્યાંકાને સરપ્રાઈઝ મળતી રહેશે તેવું લાગી રહ્યું છે. દિવ્યાંકાની ઓનસ્ક્રીન દીકરી અદિતિ ભાટિયાએ પણ ઈશીમાને શુભેચ્છા આપી હતી. અદિતીએ દિવ્યાંકા સાથેની તસવીર શેર કરીને લખ્યું, હું મોટી થઈ રહી હતી એ વર્ષો દરમિયાન તમે મારી સાથે હતા માટે હું પોતાને નસીબદાર માનું છું. તમે મને ઘણું શીખવ્યું અને પ્રેરણા આપી છે.
