Western Times News

Latest News from Gujarat

હિમાંશુ શર્માએ સ્ક્રીનરાઈટર કનિકાની સાથે સગાઈ કરી

મુંબઈ, સ્વરા ભાસ્કરના એક સમયે બોયફ્રેન્ડ એવા રાઈટર હિમાંશુ શર્માએ બોલિવૂડની જાણીતી સ્ક્રીનરાઈટર કનિકા ધિલ્લોન સાથે સગાઈ કરી છે. હાલમાં જ તેમની સગાઈની તસ્વીરો સોશિયલ મીડિયા પર સામે આવી છે. હિમાંશુ અને કનિકા લાંબા સમયથી રિલેશનશિપમાં હતાં. હિમાંશુ શર્માએ સ્વરા ભાસ્કર અભિનીત રાંઝણા અને તનુ વેડ્‌સ મનુ સહિત બોલિવૂડની ઘણી ફિલ્મો લખી છે. હિમાંશુ શર્મા પણ લાંબા સમયથી સ્વરા ભાસ્કર સાથે રિલેશનશિપમાં હતા અને સ્વરાએ હિમાંશુ સાથે તેની ઘણી તસવીરો સોશિયલ મીડિયા પર શેર કરી હતી.

કનિકા ઢિલ્લન પણ બોલિવૂડની પ્રખ્યાત રાઈટર છે. તેણે કંગનાની ફિલ્મ જજમેન્ટલ હૈ ક્યા, અનુરાગ કશ્યપની મનમર્જિયા અને સુશાંત સિંહ રાજપૂતની કેદારનાથ જેવી ઘણી ફિલ્મોનું સ્કીન રાઈટિંગ કર્યું છે. કનિકાએ તાપસી પન્નુની આગામી ફિલ્મ હસીન દિલરૂબાનો સ્ક્રીનપ્લે પણ લખ્યો છે. કનિકાએ તેની અને હિમાંશુ શર્માની સગાઈના ફોટા ઇન્સ્ટાગ્રામ પર શેર કર્યા છે. કનિકાએ પોતાની પોસ્ટમાં એમ પણ જણાવ્યું છે કે નવેમ્બરમાં સગાઈ કેટલાક નજીકના મિત્રો અને પરિવારની હાજરીમાં થઈ હતી.SSS

Copyright © All rights reserved. | Developed by Aneri Developers