Western Times News

Gujarati News

અભિનેત્રી અનુષ્કા શર્મા પિતા સાથે મુંબઈમાં ફરતી દેખાઈ

મુંબઈ: ૨૦૨૦નું વર્ષ અનેક સેલિબ્રિટીઝ માટે આશીર્વાદ રૂપ રહ્યું કારણકે તેમના જીવનમાં એક નવી શરૂઆત થઈ. ઘણા સેલેબ્સે પોતાનો ઘર સંસાર શરૂ કર્યો તો કેટલાક સેલેબ્સ પેરેન્ટ્‌સ બન્યા તો કેટલાકના ઘરે જલદી જ બાળકની કિલકારીઓ ગૂંજવાની છે. બોલિવુડ એક્ટ્રેસ અનુષ્કા શર્મા અને ક્રિકેટર વિરાટ કોહલી આવા જ સેલેબ્સમાંથી એક છે

જેમના ઘરે ટૂંક સમયમાં પારણું બંધાશે. અનુષ્કા શર્મા હાલ પ્રેગ્નેન્ટ છે અને થોડા દિવસો પહેલા જ દુબઈથી મુંબઈ પરત આવી હતી. મુંબઈ આવ્યા બાદ અનુષ્કા મુંબઈમાં વિવિધ સ્થળોએ બાકી રહેલા પ્રોજેક્ટ માટે શૂટિંગ કરતી જાેવા મળી હતી. કરીના કપૂર ખાનની જેમ અનુષ્કા શર્મા પણ પ્રેગ્નેન્સીમાં કામ કરી રહી છે.

શૂટિંગના સેટ પર બેબી બંપ ફ્લોન્ટ કરતી અનુષ્કાની તસવીરો ખૂબ વાયરલ થઈ હતી. ત્યારે હાલમાં જ અનુષ્કા પિતા સાથે મુંબઈમાં જાેવા મળી હતી. વ્હાઈટ મેક્સી ડ્રેસ સાથે અનુષ્કાએ ડેનિમ જેકેટ પહેર્યું હતું. પગમાં વ્હાઈટ સ્નીકર્સ સાથે તેણે લૂક પૂરો કર્યો હતો. વ્હાઈટ ડ્રેસમાં અનુષ્કાનો બેબી બંપ સ્પષ્ટ રીતે જાેઈ શકાતો હતો. આ ડ્રેસમાં મોમ-ટુ-બી અનુષ્કા હંમેશાની જેમ સુંદર લાગતી હતી. પ્રેગ્નેન્સીમાં અનુષ્કા શર્માની સ્ટાઈલ ઓન પોઈન્ટ છે. અનુષ્કા શર્મા પ્રેગ્નેન્સીમાં સ્ટાઈલિશ છતાં પણ કમ્ફર્ટેબલ રહી શકાય તેવા કપડાં પહેરે છે.

અનુષ્કા શર્માની મેટરનિટી સ્ટાઈલ અવારનવાર ચર્ચામાં રહે છે. જણાવી દઈએ કે, અનુષ્કા અને વિરાટના પહેલા સંતાનનો જન્મ જાન્યુઆરી ૨૦૨૧માં થશે. ઓગસ્ટ મહિનામાં કપલે સોશિયલ મીડિયા પર પોસ્ટ મૂકીને જણાવ્યું હતું અને પછી અમે ત્રણ થયા! જાન્યુઆરી ૨૦૨૧માં આવશે. ઉલ્લેખનીય છે કે, અનુષ્કા-વિરાટે દુબઈથી પ્રેગ્નેન્સીની જાહેરાત કરી હતી. વિરાટ કોહલી આઈપીએલ ૨૦૨૦માં રમવા માટે દુબઈ ગયો હતો ત્યારે અનુષ્કા પણ તેની સાથે હતી. જે બાદ અનુષ્કા મુંબઈ આવી હતી અને વિરાટ ઓસ્ટ્રેલિયાની ટૂર પર નીકળ્યો હતો. જાે કે, અનુષ્કાની ડિલિવરી પહેલા વિરાટ મુંબઈ આવી જશે. પ્રેગ્નેન્સી પછી કામ ચાલુ રાખવા અંગે અનુષ્કાએ કહ્યું હતું,

હું મારા બાળકને જન્મ આપું પછી શૂટિંગ પર પરત ફરીશ. સાથે જ ઘરે એક સિસ્ટમ બનાવીશ જેથી હું મારા બાળક, ઘર અને કામ વચ્ચે સંતુલન જાળવી શકું. હું જીવું ત્યાં સુધી કામ કરવા માગુ છું કારણકે એક્ટિંગ મને ખૂબ ખુશ કરે છે. વર્કફ્રંટની વાત કરીએ તો, અનુષ્કાએ ડિલિવરી પહેલા એડવર્ટાઈઝમેન્ટના પ્રોજેક્ટ પૂરા કર્યા છે. અનુષ્કા છેલ્લે શાહરૂખ ખાન અને કેટરીના કૈફ સાથે ફિલ્મ ઝીરોમાં જાેવા મળી હતી.


Read News In Hindi

Read News in English

Copyright © All rights reserved. | Developed by Aneri Developers.